قصيده في الشيخ مقبل الصاعدي الحربي من الشاعر فهد بن غازي البقيلي

أخواني أعضاء وزوار منتديات سليم بن منصور

السلام عليكم ورحمة الله وبركاته :

يسرني ويسعدني أن أقدم لكم قصيدة
الشاعر/ فهد بن غازي بن هجيان البقيلي السلمي : في مدح احد مشايخ قبيله حرب الشيخ / مقبل الصاعدي الحربي



هاجسي لامن دعيته ماعصاني
وقفته وقفة شجيع(ن) لادعيته

نصخر بيوت الجزاله والمعاتي
لجل شيخ(ن) ذاع بين الناس صيته

مقبل اللي لانطق بسمه لساني
قالو العالم ونعم اليا طريته

حاتمين من عريبين المجاني
ماقفل من دون ضيفه باب بيته

من عوارف حرب خطلان اليماني
صيرمي(ن) فالمواقف لانخيته

اله بين القوم تقدير ومكاني
ماتظام ولا تخيب اليا نصيته

يوم دارت بي دواليب الزماني
ماقصر عني يمينه يوم جيته

قال تامر وانت واحد من خواني
وانجلا هم(ن) بصدري ماقويته

جعل يفداه الضعيف ابن الهداني
واحد(ن) يعقد حجاجه لا لقيته

مايثمن جية اللي جاه عاني
الردى والبخل طبعه لا لفيته

وموقف الشهم الكريم ابن الحصاني
والله ان اموت وانا مانسيته

المراجل ماهي بمال ومباني
فعلن وقولن ليا قلته حميته

وكل شيآ فوق وجه الارض فاني
والبقا للي ومرنا حج بيته

تقبلو تحياتي
منصور بن نايف البقيلي

قصيدة جزلة من من شاعر جزل

اشكرك اخي نايف على النقل

ولا عدمناااااك

الاستاذ عبدالله العطافي
مرورك شرف لي ولاعدمناك

الله الله كلمآت رآئعه ومعآنيها أروٌع..ذآئقتك مُتْرفه كعآدتك..لآحرمنا الموٌلى من عذِبٍ عطآءك..طِبَت بكل خير..