عشر اسنين على شوفتك مشفوحه

السلام عليكم ورحمة الله وبركاته


وكل عام وانتم بخير


اطرح بين ايديكم هذه المعزوفه وهي محاكاة فتاه


ويحق لشاعر مالا يحق لغيره .


تقبلوها كما هي اتمنى ان تنال اعجابكم


.
.



كنـــت ارسم ملامح وجــه ممســـــوحـه

ونـــوب امسح واعيد ارسمــك من ثاني


رسمـــتك حلم بصدر الغيم واسطـــوحـه

ومــــن عـــــــــقبـه ألـم بـارد تــبنّــانـي


كفــــايه حلوم وهي بالأصـــل مــذبوحـه

وطن غربه وضايـــــــع فـيـك عـنـوانـي


مثل ماجيت بعد عنــــدي بــــقى روحـه

مثل غـــــــيمه تهـل الطهـر يافــــلانـي


ليا صارت ذنــــــوبـك بــيّ مـــدمـوحـه

لك الله انـــــت اكبــــــــر ذنـب اشقانـي


قفلت ابواب وكانــــــت لـك مـــــفتوحـه

خيول الغـــــبن سنــّـــة رمــح واردانـي


عشر اسنين على شوفتــــك مشفـوحه

على من هــو يناظـــــرنـي وتــــعـدانـي


ليومك ذا عقب نــظرتـك مــــطروحـــه

ومنك الصــــد زاد الجـــرح وادمانــي


ومن مثلي عزف لحنه علـى اجـروحه

اجر الصوت حبيـــــبي جـاء وبكانــي


عشر اسنين على شوفتك مــشفوحـه

على من هـو يناظـــرنـي وتــــعدانــي



.
.



وسلامتكم


بقلمي فيصل السُلمي