( الــ ع ــرب لــيـزي ) آرائكم حول هذه الظاهرة !!!‎

غلا .. الغير طبيعيه ..
.................
هاااااااااااااااااااي
هاو آر يو .. ان شاء الله تمام ..
اي مس يو سو متش..
ام سوري على الغياب بيكوز جهازي كان خربان ..

...............
غلا الطبيعيه..

..............
بسم الله الرحمن الرحيم
السلام عليكم اخواني اخواتي ..
أتوقع عرفتو تعريف ( العرب ليزي ) هو انك تخلط بين اللغه العربيه واللغه الانجليزيه بكلامك ..
هذي الظاهره منتشره كثير وخاااااااصه عند الشباب ..
واتوقع ان السبب الرئيسي ان الشاب يحس انه هو كشخه و" كووول " ومتطور (( للاسف تعريف التطور عند بعض شبابنا انه يلبس جينز وكت أحمر << آآآآآآآآآآآآآآآخ بس لو بيدي أغير تفكير هذي الفئه من الشباب ))

المهم يحس انه كشخه فكيف يقول السلام عليكم لصاحبه وهو "كووووول"
فصار يتكلم بالانجليزي بحجة انه متطور(( لابس جينز وكت أحمر ))

يقول الشقيري بخواطر .. ان اليابانيين ومع كل هذا التطور اللي هم فيه تطور بمعناه الصحيح مو (( جينز وكت أحمر ))
ما زالو متمسكين بعاداتهم .. ومنها التحيه حقتهم (الانحناء) او الاعواد اللي يأكلون فيها ما ادري وش اسمها

فـ ايه اللي يمنع الشباب السعودي انه يكون "كووووول" وشعره كدش ويلبس جينز .. واذا قابل صاحبه يقوله السلام عليكم ورحمة الله وبركاته !!!!!؟؟؟؟؟؟؟



سؤااااالي !!!؟؟؟؟

وش رايكـ بهالظاهره ؟؟ هل هي شيء عادي وما يهمك ؟؟
والا ودك يتم القضاء عليها ؟؟؟

انا من وجهة نظري ..
انه اذا يخلط بين اللغتين لانه كشخه و" كووووول" ومتطور ( يلبس جينز وكت أحمر )
وهو مو حافظ الا كم كلمه بالانجليزي( يعني ما عنده سالفه ) بس علشان يكشخ عند أصحابه ..
فأنا ودي ادخل عقله واغير تفكيره لانه يحزن ومسكين

وحتى اللي عندهم سالفه يفضل انهم ما يتكلمون بهالطريقه ..( يا اخي يا كله عربي يا كله انجليزي )
وفيه كلمات انجليزيه نقولها بس احنا تعودنا عليها من زمان لدرجة حتى االكبار بالسن يعرفونها ..

مثل :

كومبيوتر = مو معقوله اقول ( حاسب آلي )
تي شيرت=مو معقوله اني اقول فانيله (فانيله داخليه ) والا اقول بلوزه ما ينفع ..
ويمكن في غيرها بس ما تحضرني الآن ..


وفي الختام أذكركم فقط ..

اختلاف وجهات النظر لا يفسد للود قضيه ..


انتظر آرائكم حول هذه الظاهره ..


أختكم ..
غلا سليم ..

\7

يآهلااآآ وغلاآآآ

بـكـ ] يآغلو منورهـ

/


/




صرآحــة ’ـ’


طرحك مرة حلو وأعجبني

..

بآلنسبة لهذي الفئـة لهآ وجهآت نظرها الخآصة اذا سألتيهآ :

أكيد منهم من يقول كذا
ومنهم يقولك تطور الى احنآ كذا متخلفين

ومنهم من يقول أنا احب الغرب وبعض الشخصيات فهو يتقمص منها اي شي

ومنهم يقول صراحة اللي حولي يفرضون علي>> مثل بعض المجتمعات

وأكيد أكثرهم علشآن يصير كوووول <<يا هالكول

ومثل ماقالت قمورة أنه فيه ناس تتكلم انقلش وعربي علشآن يصير عنده خلفية

ويتطورمن ناحية ثقافية

..

}مثلي أنا وبنت خالتي الله يحفظنا {


أعتذرعلى الإطالة

هالو
تسيف الحال

اي ود تو توك اربك بت نت يو سبيك قووود...

ياااعيني ..

اهلين عزيزتي ماعليك من الخربطة الي فوق ...

افلقيني لو فهمتي شي......

شوفي اهو انو الواحد يدخل بالتوكنق حقو شوية انقلش انا اشوف عادي ولا فيها من الكشخة ولا شي ....
يعني ماسوى اختراع عشان يكشخ فيه ....

لاكن احيان تكون في كلمات مرافقه معك وتلقينها تقط في كل حديث مفروض صراحة نتلافاها بس اش نسوي ؟؟؟

بالنسبة لي بحكم دراستي الي نسيت العربي فيها ومع ذالك مااعرف اهرج انقلش تمام الا اني لازم تدخل كم كلمة انقلش بهرجي <<< ادري مالو داعي بس كمان اش نسوي يعني اكثر من 6 ساعات من يومك تقضيها في بيئة بيتكلمو انقلش غصب يلزق بلسانك...

احيان احس عل نفسي واجلس انقح هرجي واوزنة قبل مايخرج....

بالفعل موضوعك رائع واكثر شي عجبني جنز وكت احمر<< ههههه

تقبلي مروري عزيزتي

ودمتي بود
نرجسية...{.

( رموني بعقم في الشباب وليتني= عقمت فلم أجزع لقول عداتي )

غلا سليم

موضوع رائع بالفعل وطرح جريء

ففعلا كما ذكرتي أصبح هناك ( انحدار ) رهيب و(اعوجاج ) مخجل في تصرفات البعض .

فليس الشباب فقط ولكن كذلك الكبار في السن ومن يدعون الثقافة حتى وأن كان على الهواء مباشرة .

أتمنى زوال هذه الظاهرة المخجلة والسئية .

( قد يقول بعضهم مت تعلم لغة .... )

اقول له صحيح ولكن تحدث بها مع أهلها واستخدمها لحاجاتك وفي اماكنها ولا تستخدمها مع من يتحدثون بنفس حديثك

لكي مني كل الشكر والتقدير والاحترام

دمتم بخير

صرااحة انا أشوف اكثر من يستخدم <> العرب ليزي <> هم البناات ولاحظو كتابتهم في المنتدياات


< <

يعني مو كل مصيبة تدبسونها في الشبااب



المهم ماعلينا .. صراحة هو يختلف من شخص لآخر يعني كل شخص وهدفه من التكلم بها الطريقة بعضهم والله ماعنده سالفة لاتخصصه انجليزي ولا له علاقة في الانجليزي بس عرف له كلمتين وقام يتفلسف علينا مسوي فاهم علينا


الله يعطيك العافية اختي غلا سليم على طرح الموضوع الجميل

طيب انا أخلط بين العبري والعربي وبين الانجلوا والعربي واحيان الهندي والعربي ..واعتبرها تنوع ثقافي ..

المشاركة الأصلية كتبت بواسطة قمر سليم

\7

شكراً ن القلب على المرور الجميل
لا عدمناك ..


أختك غلوووووو

هلا بك جولي انتي اللي منوره ..
يسلموووووو ( أحرجتموني ) *_*

.........................

ومنهم من يقول أنا احب الغرب وبعض الشخصيات فهو يتقمص منها اي شي

أوووووووه هذي مشكله كبيره جداً ..

ومنهم يقول صراحة اللي حولي يفرضون علي>> مثل بعض المجتمعات

صح الحين تقابلي ناس ما تعرفي هم سعوديين والا اجانب


حلووووووو اذا نتكلم عشان نطور أنفسنا .. ونستفد ويكون عندنا لغه .. بس مو داااايم عشان ما يأثر على لغتنا الأصليه ..



سعدت بمرورك جولي
لا عدمناااااااااااااك يالغلا ..

أختك .. غلووووو ..

\7