عبدالعزيز اللي صنع تاريخنا واسس بناه

اعضاء منتدى قبيلة سليم الكرام متابعي ومتصفحي منتدى سليم

السلام عليكم ورحمة الله وبركاته

بمناسبة اليوم الوطني (81) ارفع اسمى ايات التهاني والتبريكات الى مقام خادم الحرمين الشريفين والى ولي عهده الامين والى النائب الثاني والى الاسره الحاكمه الكريمه والى الشعب السعودي النبيل

[poem=font=",6,black,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/33.gif" border="double,4," type=0 line=0 align=center use=ex num="0,black""]
عبدالعزيز اللي صنع تاريخنا واسس بناه=
ان مانقف دون ارضنا يانعنبوها من حياه=سلام ياروس الرجال اللي عريب(ن) ساسها
عبدالعزيز اللي صنع تاريخنا واسس بناه=عينه على درب الخطر ما استسلمت لانعاسها
الفيصلي المعتبر قرم(ن) ماحد يلحق مداه=الفارس اللي يطفي الفتنه ويقطع راسها
زال الجهل والخير عم بقوة السيف وذكاه=النار لو شبت دعسها بالقدم وداسها
بدايته ماتنتحدد كيف احدد منتهاه=حقائق اذكرها هجوسي صادق(ن) هوجاسها
واليوم مع رجل(ن)على الطاله رفيع(ن) مستواه=نسل الحرار اهل السيوف اللي قويآ باسها
عبدالله يقود البلاد ان قلت عز وقلت جاه=ملك من ملوك الوطن قاده لمع نبراسها
قائد محنك والسياسه ماتشوها قناه=بلاد ابو متعب امن وامان من حراسها
الله جعلني احبك ابيات القصائد من غلاه=نقدم حروف الذهب ما نلتفت لانحاسها
نعيش مع حكامنا مانكشف البير وغطاه=نشارك اصحاب المقام الامها واوناسها
تاريخهم مصدر فخر دايم تناقله الرواه=حكام لبلاد(ن) يميزها هوى نسناسها
وسلطان مقباس الفخر ماخيب الشعب برجاه=وقائع اسردها لكم مضمونها قرطاسها
ولي عهد المملكه ليا احتمى قول احتماه=سلطان حلال الصعاب اقوى معارك قاسها
اسمه دلاله للعطاء الشعب لو قام ونصاه=حرك بنوك المملكه المعلنه بافلاسها
سلطان سلطان السعد في قسوة الوقت ورخاه=الارض ما ضاقت علاه بجنها وبناسها
يعطيك من جوده ولو مايملك الا شرب ماه=نفسه عزيزه للرجال بذوقها واحساسها
الظفر ياقف مايبى خطه ولايبغى وصاه=لو كان في قاع البحر يظفر بها غطاسها
والنائب الثاني نعم يعيش لطام العصاه=يقيس غبات البحور وعارف(ن) مقياسها
رمز الامانه والوفاء اللي يشرفنا وفاه=لبستها ياسيدي تاج الفخر بلباسها
حب الوطن بقلوبنا باقي ولايعلا علاه=حنا مع ملوك البلاد ان دق طبل اجراسها
جيوشنا فالمعركه اقوى من جبال السراه=ماهمنا كل الذئاب اللي تحد اضراسها
من لايقف دون ارضنا وشلون يدفن في ثراه=يا حظ من جاهد واخذ له يوم في متراسها
جيش البواسل في جبل دخان مرفوع(ن) لواه=قضى على الزمره بعد وسوس لها وسواسها
عدونا من فعلنا ينشب لسانه في جماه=عصابة الاوثان تخضع رؤسها لامواسها
نيل الشهاده والشجاعه من هو اللي مايباه=مايقبس النوماس من نار(ن) ماهي مقباسها
ياسيدي يا قائدي كل (ن) يبى ياخذ سراه=ولاكل من حاز المراجل حطها باكياسها
نبراسنا عبدالعزيز اسم(ن) تلألأ في سماه=فعله لوحده حطم اطنان الذهب والماسها
اما يعيش الادمي بعز ويباين عطاه =والايموت ويترك الرحله على عساسها
كلمة نعم جاتك يا ابو متعب على كل اتجاه=ماتجلس الا معك وتصاحبك في مجلاسها[/poem]

\7

\7

رحم الله قائد الامه ويسكنه الجنه ويجزي عنا وعن الجميع خير الجزاء نعم انه قائد التغيير اللذي احدثه من بعد الفرقه الى الاجتماع من بعد ماكنا ننهب ونونهب اصبحنا اخوة من بعد ماكنا في جوع ومذله الى غنى وعزة
رحم الله قائدنا


دمت لي وللمنتدى

الاخ الشاعر \ راضي حبيني الفقيه




قصيده جزله معنا ومبنا في الوطن


وقادته شاعر بلا شك صورت مشاعرك


بهذه القصيده الشامخه وهذا ليس


بغريب عليك فأنت شاعر متمكن



بارك الله فيك وفي نبضك وعطائك



لك كل التحايا والتقدير

صح السانك يالقرم
جزلة
وشاعرية
شاعر متمرس
يستاهل الوطن
ولانتسغربه منك ومن شرواك
دام حضورك

\7

الله الله الله الله

نص شعري فاخر يليق بهذا اليوم الوطني

بيض الله وجهك وصح لسانك وسلم بنانك

ودمت بهذا العطاء الباذخ

الشاعر/ راضي حبيني الفقية

كن هكذا ونكون معك بصراحه نص طرب طرب

تقبل مروري وتقديري واحترامي

\7

\7