#1
|
|||
|
|||
موقف محرج
مساكم الله بالخير..
حصل لي موقف محرج الليله وهو كالتالي- عزمني إحد زملائي على حفلة زواجه الليله واعطاني كرت دعوه للوالد ولزم إنه يحضر العرس..المهم صليت العشاء الليله ومريت الوالد وحنا بالطريق اعطيته ظرف فيه المد..ولأن الزواج باستراحه وكرت الدعوه بالبيت اتصلت على المعرس ووصف لي الإستراحه،المهم وقفت السياره ودخلنا مع البوابه والوالد قدامي يسلم على المعازيب واكتشفت حينها أن المعرس ليس زميلي ! والشايب مايدري لأنه ما يعرف أحد بل وأخرج الظرف من جيبه وأعطاه المعرس واللي ما قصر أخذ الظرف وحطه بجيبه ! وبعد ما سلمنا قلت للشايب الظاهر حنا غلطانين قال وش.....! واكتشفت أيضاً أن استراحة صاحبي ملاصقه لهذه الإستراحه!! ويعلم الله إن اللي بالظرف كان راس مالي. لو كنت مكاني كيف تتصرف ؟ هل تطلب الظرف من المعرس الغلط؟أم تتركه؟أم ماذا تفعل؟ علموني..وبعدين أعلمكم . التعديل الأخير تم بواسطة أبو منذر ; 07-16-2009 الساعة 04:42 PM |
#2
|
||||
|
||||
رد: موقف محرج
والله هذي بلشة وانا أخوك
تبي الصراحة انا يمكن اترك الظرف معاه وروح لزميلي طبعاً اذا كان يمون علي وعلمه بالسالفة ومدَه يجيه بعد زواجه لو بعد كم يوم |
#3
|
||||
|
||||
رد: موقف محرج
صراحه اخوي ابو منذر موقف صعب
لكن لو انا مكانك وزي ما تقول ان مدك كان هو راس مالك لكان اخرجت اي حاجه ثمينه انا لا بسها سواء بشت او ساعه او قلم او اي شئ عيني له قيمه واهديها للمعرس تقبل مروري |
#4
|
|||
|
|||
رد: موقف محرج
والله يا أبومنذر موقف محرج ..
أكيد تبغى تختبرنا وتستمتع بردودنا .. أكيد الوالد ماراح يقصر .. لكن أتمنى إنك ماتعلم الوالد إذا إنعزمت مره ثانيه .. عشان إذا فيها ورطه تتورط لحالك |
#5
|
||||
|
||||
رد: موقف محرج
والله يابو منذر موقف محرج
ولكن لو كنت مكانك بترك الظرف الي اعطيته الرجال لانه من نصيبه وادبر حالي واجيب الفلوس واحضر العرس الثاني وهذا الي ابي اسويه اخوك عبد الرحمن النقريني |
#6
|
||||
|
||||
رد: موقف محرج
اخوي ابو منذر
الله لا يجعلك في موقف محرج مثل ذا مره ثانيه الصراحه لو انا منك كان فهمت الشايب انا غلطانين وان مامعي غير هالفلوس وهو ان شاء الله راح يتقبل الوضع ويدفع من عنده الى ان تجيك فلوس وعطهياه هذا ما اردت ان انصحك به |
#7
|
||||
|
||||
رد: موقف محرج
موقف محرج
خاصة إن المعرس صديقك يعني جايب له مد يبيض الوجه بس مسألة تأخذها منه صعبه جدا وعيب واللي جابها يجيب غيرها والوالد معك ما هو مقصر واذا مالقيت حل قبل توصل للعريس خذه على جنب وقله القصه وارسله المد بعدها وشكررررررررررررررررا |
#8
|
||||
|
||||
رد: موقف محرج
ابو منذر خيرها بغيرها
بس الغلط منك انت المفروض تنتبه للمعرس لو من بعيد وتشوف هو خويك ولا لا عالعموم موقف والله احراج |
#9
|
||||
|
||||
رد: موقف محرج
ههههههههههههههههههههههههههههههههههههههه
بسيطه والله لانشب للعريس الى اخذ المد من ابوي لاني معرفه وماعلي من لحيته افهمه الوضع والله ليطلع مد خويي وهو مبتسم تحياتي
__________________
|
#10
|
|||
|
|||
رد: موقف محرج
شكر للجميع بس والله ما أقدر اخلي الظرف مع الرحال لأن فيه الف ريال..وهذا المبلغ بصراحه عزيز عليّ جدً!!
ولا يهون عليّ اتركه لرجال ما اعرفه.. التعديل الأخير تم بواسطة أبو منذر ; 07-16-2009 الساعة 10:31 PM |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|