قصيده اغضبت العنصر النسائي

#1 07-01-2008, 12:41 AM

اليوم جبت لكم قصيده اثارت الغضب النسائي في انحاء السعوديه

والسبب ان بها دعوه صريحه للتعدد واعلنها الشاعر نايف بن عرويل العتيبي الملقب عند محبيه بـ ( الصارم )عند استضافته في احد البرامج الشعريه

قصيدة(( العنوسه)) للشاعر نايف بن عرويل
ياهاجس من ثلاث شهور مذيني

تزعل علي النساء لو اعلن حلولة

ابي حصانة من النسوان تحميني

وابا اتوكل على الله ثم ابا اقولة

ماللعنوسة حلولن كود حليني

الحل الاول يعود لحاكم الدولة

لابد تصرف على هذا ملاييني

لجل يتزوج شباب اليوم بسهولة

وثاني حلول العنوسة يالمياميني

في ايديننا شي نقدر دايم نطولة

اخذوا على الاولة وحده وثنتيني

وهذي ترى في كتاب الله مقيولة

لكن لا بد نعدل بالموازيني

لازم موازيننا بالحيل معدولة

ويالي غرامك جرى داخل شراييني

ادريبك اليوم من ماقلت مذهولة

وان كان عقب القصيدة ذي كرهتيني

المسئلة يابعد هالناس محلولة

ترى كلامي هذا ماهوب يعنيني

شاعر ولا افعل كلامن دايم اقولة

ابيلي وحده ووحده بس تكفيني

اربع حريمن صراحه غير معقولة

ــــــــــــــــــــــــــــــــــ

::

وهنا ردت عليه الاخت بياض بهذه القصيييده

بصراحه كان ردها رائع واشفت صدور الحريم::
أبعترض قافيتك ان كان يمديني

ولانيب عما يقول الغير مسؤله

ويومك قربت الحمى ان كان توحيني

سيوف شعري عليك اليوم مسلوله

واللي احرمته العنوسه غفوة العيني

يبحث عن اسبابها ثم يطرح احلوله

الشرع حكمه على راسي وعلى عيني

بس التعدد يابن عرويل وش هوله

المشكله لاتصير اليوم ثنتيني

ثم تِهْدَم بيوت بالأطفال مأهوله

عشنا بظل العنوسة عدة اسنيني

وحقيقة الوضع عند البعض مجهوله

لكنّ اسبابها تكمن بشيئيني

حطوها نصب العيون وحلها اسعواله

منه غلاءالمهور وسطوة الديني

وشباب دون السفر مايثني ارجوله

وعشان حسم القضيه يالعزيزيني

يمنع زواج الرجل من خارج الدوله

أما التعدد فمن طاريه تنهيني

الغيرة اللي عليها النفس مجبولة

وسلامتكم

#2 07-01-2008, 12:51 AM

هههههههههه
وش رايكم انا مع التعدد

#3 07-01-2008, 02:17 AM

وانا بعد مع التعدد

#4 07-02-2008, 01:17 AM

\7

#5 07-03-2008, 08:32 PM

\7

#6 07-04-2008, 03:57 AM

دلوعه وحنان

رأيكم يعجبنا كلنا يالرجال ههههههه

شمس
حريه شخصيه واحترمها

الثلابي
تقبل تحياتي

الجميع شكرا لكم على المرور

#7 07-04-2008, 05:54 AM

انا مع التعدد وبقووووه لانه يقضي على العنوسه ويكثر سواد الامه وما اشوف انه فيه ظلم للمرأه لانه مباح شرعاً وباذن الله ابي اتزوج اربع

#8 07-10-2008, 01:57 AM

يعطيك العافية

#9 07-10-2008, 02:23 AM

أنا بالنسبه لي

ضد التعدد وبقوه

لأن لو كآن الإنسان مُستقر في حياته وسعيد مع زوجته وأبنائه فلماذا يتزوج زوجة ثانيه أو ثالثه أو رابعه.؟؟

قد يكون رأيي مغضب للنساء "العوانس" أو للشابات لكن لو ان الحظ حالفها وكآنت زوجة لأحد من الرجال

فإنها مستحيل أن ترضى أن يتزوج زوجها إمرأه أخرى

مشكور أخوي
أخوك/ عبدالله الزعبي

#10 07-14-2008, 02:50 AM

\7

تسجيل دخول