ودنا نحرك المنتدى الي يبي محاوره

ودي ابدى بأبيات جديده وانا خابر ربعي سليم كلهم شعار عالقوه ياتاج راسي

سلام الله على ربعي سليم وكلهم شجعان
رجال في دروب المجد تاخذها وتعطيها

سليم اهل الكرم والطيب ربعي مابهم نقصان
حقيقه والحقيقه محد ينكرها ويخفيها

ودي بشاعر ندردش انا وياه في هذه الابيات

هلابك يالمغني عد لوح البرق فالامزان

سليم اهل الفخر والعز حاضرها وماضيها

سليم امجادها وفعولها من ماضي الازمان

لهـا تاريـخ حافل والليـالي في مـباديـهـا

كلامك يا الدميحي مايبي حجه ولا برهان
يازين ابياتك اللي يا الدميحي نفتخر فيها

ليا جات الحقيقه يا الدميحي كلنا سلمان
نجيب الطيبه والثانيه تقعد للراعيها

الا ياسطورة السلمان هاك العلم يافنان

وعطني من علوم القوم واحذر من تواليها

تقدم ياصحيبي واعرف انك داخل الميدان

ولاتعكس دروبٍ وانت عارف وش مواطيها

علومي طيبه ياصاحبي ومجود السيسان
حذاري تلعب بمعنى البيوت اللي مسويها

معاني واضحه وبعض المعاني مالها عنوان
ترى بعض الدروب اطوال تتعب رجل ماشيها

تركد في كلامك واذكر الله والعن الشيطان

علومي واضحه واحذر تغير في معانيها

انا ماقول فيك قصور مثل الذيب ياسرحان

لكن انـتـه تـخـربـهـا ولا تـقـدر تـسـويـهـا

يامصعب لا تصعبها ونا علمي كما الميزان
كلامي واضح وكلمتك مدري وين مغديها

انا بعطيك من حلو البيوت وطيب القيفان
وحسب نيتك يامصعب تعدلها وتلويها

ماشاء الله عليكم ...ابدااااااع
صح الله السنتكم ...ومافيكم حيله

متابعين واصلو بسسسس

اشوف العاصفه شدة من الحره واثرها بان

لفت يم الخيام اللي ضعيفه في مبانيها

وانا ما جيت شامت مير جيت اوضّح العنوان

نصيحه للفريد اللي ما يدري عن بلاويها