صرخة يتيمة

صرخة يتيمة
قصيدة للأستاذ مقبول مبارك العرابي 24-11-1433هـ
1- آه يا بويه بحالي لو دريت = بعد ما قفيت والجاري جرى
2- عقب عزك عشت في ذل وذويت = ما لقى زهرك بعد عزك ذرا
3- كل هبة ريح منها مانجيت = وحطم آمال الغصن جور الورى
4- لا ش لا رحمة ولا خوف إن شكيت = والأخو بوخيًته باع وشرى
5- والعقارب لا تولت لأهل بيت = ماسلم من سمها أهل(ن) وقْصرا
6- والبعض لو قدمه بْنار انشويت = صد لا كنه سمع ولا درى
7- وكم بكثر الصمت والصبر احتريت = للفرج ووقوف أهالي وأومرا
8- مير مازلت بعذابي واكتفيت = لاح شيب الغصن والساري سرى
9- آه يابويه لأخويه كم نخيت = مير أخويه فيً بالجور افترى
10- وحش صوبي إن حكيت أو ماحكيت = ولْسواي مْحامي وظل وذرا
11- وصرت كني خادمة ولْيا زريت = فز بي حتى فروخ القبًرا
12- ومن ردى حظي على نفسي جنيت = راتبي وقفني بْريع الزرى
13- كلما برق السعد لاح ورجيت = كشًر آخويه وصده وأنكرا
14- آه يابويه بحالي لو دريت = مير نصري عند خلاق الورى
15- انتهى سعد(ن) رجيته وانتهيت = وأتمنى إني معك جوف الثرى