تخيلو لو الحريم بيسوقن .. للشاعر نايف بن عرويل ..

[poem=font="Simplified Arabic,6,,normal,normal" bkcolor="white" bkimage="http://www.saudinokia.com/vb/images/toolbox/backgrounds/49.gif" border="double,6,black" type=1 line=0 align=center use=ex num="0,black"]
تخيلـوا لـو الحريـم بيسـوقـن = ونلقالهن في كل شـارع طرايـف
تلقا العجايـز فالشـوارع يـدورن = وسيارة الاسعاف ترقـب حتايـف

وليـا تأخرنـا دقايـق يصيـحـن = ثم اركبن فـوق المواتـر ولايـف

وقامت تكبسلـك بالانـوار ياهـن = بين اخوياك وصرت محرج وخايف

وتخيلـوا لـو ذات يومـاً يمـرن = عليك دوريـات والجمـس طايـف

ويوم اطرحوه يصير موقفك محزن = تلقا العجـوز مكلبشـه ياحسايـف
وتلقا البني في كـل جلسـه يتكـن = طقة بلوت ومعهن الكيـف كايـف

هذي تبا تحكم وهـذي تبـا تصـن = والبيت ضايع دون طبخ وغرايـف

ياللي ذنوبك فـوق راسـك يحنـن = اللـي فقلبـك طلعتـه الشفـايـف

انظارنا من فوق فكـرك يشوحـن = ونشوف شـيٍ ماتشوفـه ياهايـف

حق المره ياشيخ تلعب على من = خبلان حنا ولا ويش انت شايـف ؟

وين انت عن صوت الارامل ينوحن = وين انت عن حق المره فالوظايـف

وين انت عن جملة بنـاتٍ يضيعـن = وين انت ياراع العلـوم النصايـف

لوهي بيديكـم كـان قلتـوا يغنـن = لكن صدمتـوا فالجبـال النوايـف

من دونهـن حنـا وفقلوبنـا هـن = الطاهـرات الساجـدات العفاايـف

والمسئله لاصـار لحقـة شرفهـن = يروح فيها يـا آل زلفـه طوايـف

هذا كلامي واسمعه زيـن واذعـن = قلته ولانـي مـن تواليـه خايـف

قلته واباقف وارفع الصوت واعلن = ارادة الامـه علـى لسـان نايـف

ماهـو تخلـف لارفضنـا يسوقـن = راس التخلـف لاتركنـا العطايـف [/poem]

للشاعر .. الصارم / نايف بن عرويل العتيبي




القصيدة أعجبتني وحبيت أنقلها لكم

أخوكم عبدالله الزعبي

حلـــــــوه مره
بس بصراحه يمكن مب زينه سواقة الحريم
لكن اذا كانت محتاجه شي وماعندها احد ليه ماتسوق
فلها وربك يحلها<<<امزح

يعطيك العافيه خيو تقبل مروري اختكـ/الـــــــقــــــــ الحزين ـــــــــلـب

القلب الحزين


أسعدني مرورك الأنيق


شكراً لك

شاعر واحب اسمع قصايدة




ولاهنت على النقل الرائع





تقبل مروري يابو عابد

مشكوور عبد الله

قصيده رائعه


صح لسان شاعرها


وسلمت يمين ناقلها


دمت بود

فهد العبيدي

وتلقا البني في كـل جلسـه يتكـن
طقة بلوت ومعهن الكيـف كايـف
هذي تبا تحكم وهـذي تبـا تصـن
والبيت ضايع دون طبخ وغرايـف


ههههه عز الله رحنا فيها .. هنا صراحه ضلمنا المفروض ما يعمم الصوره .


ماهـو تخلـف لارفضنـا يسوقـن
راس التخلف لاتركنـا العطايـف

اي والله ماهو تخلف , صح لسانانه واعتلى شانه .. يعطيك العافيه يا الناقل .

مشكور أخوي عبدالله الزعبي

قصيدة حبيتة من جوة قلبي وكن طالبها

نقل رائع

من محب رائع

من كاتب رئع

من مشارك رائع

تقبل تحياتي لك /عبدالرحمن العجيفي

ماهـو تخلـف لارفضنـا يسوقـن = راس التخلـف لاتركنـا العطايـف

والله من جد ماهو تخلف
وانا وحده من الحريم
وارفضهااااااااا

تسلم اخوي