لايختــلف نهــجه مع الايام عـن نهـج الرســول

قصــيدة للــشـاعـــر عــطــاالله ابن مـصـيـون اللـــبـيـــني

الصــبر مفـتاح الفـرج ولا الســعادة فالصــلاه
والآدمـي لن زانت اخـلاقــه يحصّل له قبــول

والا القنــاعه كـنـزياطـيــبه مـن كـنوز الغنــاه
يوم الطـمع ماينـفع الطمــاع في لحظـه يـزول

والمسعـد اللـي في سـبيل الله ينفـق مـن عطـاه
يعطي لوجـه الله ويحسـب من جـزيلين الفـعول

والصحـبه اللي خيـّره لك تعتـبر فـوز ونـجـاه
يازيـنـها يازيـنـها صحـبـة رزينـيـن العـقــول

واللي لـسـانـه يحـفظه عـن كـل زله ويحـمـاه
يلـقى احترامـه بين ناس" مايغـرون الوصول

وترا الجـماعـه عـــزّ للرجّـال في كل اتجــاه
ورجل" مايعرف فضلها نعتبره انسان" جهول

والحـق مـن هـو يعـرفه يفـخـر ليا منـه بـداه
يـفـخـر ليا منـه بـداه يـقـول بالحـق ويطـــول

واللي يغطّـه فيـه يـوم اكــيد بيحصّـل جــزاه
ويمــكن تعجّـل له مشــاكل ثـم يـعجـز فالحلـول

والبغض صدر المشتحن ضرّه وسبّب له عماه
واللي يـوسـع خـاطـره يصـول مرتـاح ويجـول

والصـدق مـيزه للشجيع اللي ينومـس في نبــاه
والكذب من هو يبتـديـبه وجهه اسود ومغسـول

والنـمـه النـمـه ترا الرجــال تنقـص مســتــواه
مايجلــس النمــام مابيـن الرياجـيل الزحــول

بالمختصر من هو يريد يعيــش مسعد فالحــياه
لايــخــتلف نهـــجــه مع الايــام عــن نـهــج الرســــول

اللهم صــل وســلم علــى مــحمــد

الله الله
صح الله لسانك ياشاعرنا عطالله على هذه القصيده والنصيحه الرائعه
شاعر كبير ياولد بن مصيون ومبدع ومايستغرب هذا الإبداع
من إبن شاعر كبير وجزل غني عن التعريف
سجل إعجابي ولك تقييمي خمس نجوم

تحيه يالهدابي على النقل الرائع

رائعة وجميلة صح لسان الشاعر وسلم الناقل

ما شاء تبارك الله
صح لسان الشاعر وشكرا على النقل

لعدمناااك