رثاء الشيخ بدري بن شداد المريني رحمه الله

يالله يلي ممسك(ن) فالفضاء الطير
يا جامع الرحمه على قو باسه

ترحم ابو بــــــــدر وتذكره بالخـيـر
وتجعل الرحمه غطاه ولباسه

مرحـوم يلي كنت في قلوبنا غـيـر
طيب وجاه الطيب من طيب ساسه

مرحوم يا ابو الكل يا جعلك تسير
في جنة(ن) عرض الفضاء في قياسه

درع القبيله وفخرها صغير واكبير
شيخ وشجاع وراعي عرف وفراسه

قدم الخصوم مثل الاسد يزئر ازئير
وعنده لهم غير السياسه سياسه

كل من يعرفه يقدره كل تقدير
وله المحبه بين ربعه وناسه

ياوجد حالي وجد رجل(ن) على بير
جاه الضما والبير قاعه يباسه

في وسط صحرا مابها يا بشر غير
نسور تنوي لا هوى افتراسه

والطين زود بلته يعجز السير
ومن الضما ما عاد يسمع حساسه

وصلاة ربي عد رفع الصافير
وعداد مافي باطن الارض ماسه

على النبي الهادي لدرب التياسير
وادعوا عسى الرحمه غطاه ولباسه


رحمك الله يا اب الجميع واسكنك فسيح جناته ..

دمتم بأفضل حال ..

صح لسانك أخوي مشعل وأسأل الله العلي القدير أن يسكن والدي الفردوس الاعلى من الجنة
آآآآآآمين

صح بدنك اخوي ابو عمار .. رحم الله اب الجميع واسكنه فسيح جناته ..امين ..

دمت في افضل حال ..

الاخ \ مشعل المريني



صح لسانك على هذه القصيده


ورحم الله بدري رحمةٍ واسعه

واسكنه فسيح جناته

استاذي حمدان بن مقحص .. صح بدنك .. واجاب الله دعوتك ..امين .. واشكر لك تواجدك الاكثر من انيق .. رعاك المولى ودمت بصحةٍ منه ..