تعبر عن نفسها

القصيده الاولى للشاعر /سيف عايض السلمي تعبر عن نفسها

سلامي وقصرالطيب مرفوع عالي
وخمسه نجومه نورها نور ساطع

ياقصر انت ماتنباع والسعر غالي
ولاجلك تراني صرت نازل وطالع

ولومانت صار الحي ياقصر خالي
تجمع شتات ولا تدور مطامع

لك الله لو ماخاف من ربي العالي
واعرف ان مثلك من يهل المدامع

لبني حواجز تصل من جال للجالي
ولا همني للصوت رايح وراجع

ماودي يجي لك هرج ماهو فبالي
وللحكي لا صدق ولاني بسامع

ولاهمني قولا و قيل وقالي
ولالي بناس رايها في الروابع

ومن كبني لو كان حسبت عيالي
تركته ولا قاطعه لو كان قاطع

ترى البيت لن كان ماله ضلالي
تشيله هبوب الصبح مايلحقه فازع

انا ما نقص مالي ولاناقص حالي
ولاني بتابع ناس ولا بمتبوع

يامن تعرفون الوزن للوزن مكيالي
ومن ينقص المكيال يقلون له طامع

ولاكل من يدخل وزاره معالي
ولا كل نجم لو طلع نجم لامع

ونشره على رجلابعقله مثالي
ليا جاء في وسط السوق شاري وبايع

يعيف الحرام ويشتري فالحلالي
لاكنه يلخبط في العدد والمواقع

خياله بعيد وفوق راسه خيالي
يكب السلام ويتجه للمدافع

ليا كنت ماتعرف يجوز السؤالي
لاكن البلاء لن جاك رافع ومرفوع

وياراعي الطالات وقت الزوالي
ما ينفعك غير الخير والشر ممنوع

ليا كان وانك صار لك شان عالي
تري من دفع عربون ماهو بمرجوع

احب الوصل مابحث لقطع الوصالي
ما حنا كما شعب مشردهم الجوع

عدد مابرق برق ونشوف الخيالي
نصلي على المختار للخير متبوع

صح لسانك وسلمت يدك ..

مبدع ..

الشاعر سيف الصادري
صح الله لسانك وبيض الله وجهك سلمت يداك

قصيدة رائعة وجزلة لا فض فوك

صح السانك وبيض الله وجهك

لاهنت يالصادري

الاخ / سيف الصادري

صح لسانه قصيده جزله

سلمت وسلم منطوقك