قصيدة لشاعر / أبو تركي السلمي

قصيدة لشاعر / أبوتركي السلمي




سلام الله عليكم يا رياجيل الشيم والجود
سلام ياربوع وافيه بالحيل نغليها

ولا يا بوعناد الحق واضح والخطا مردود
حقوق واجبه ياخوي ناخذها ونعطيها

سمانا يارجل فيها بروق واضحه ورعود
ولاندري يابو وافي من الأمطار وش فيها

أمانه يا ولد عمي تودي هرجتي للعود
وغيرك ياوسيع العرف ما والله يوديها

تقول له البنيخي جالهم تهديد بالبارود
وياربي من الدنيا تكافينا بلاويها

لقينا بابكم يالعم من دونه حرس وجنود
مثل ما قالت الأمثال حاميها حراميها

وحنا طيبنا عندك وطيبك عندنا موجود
ومثلك ناس ياعم الوفاء بالطيب نرضيها

ولن جيتوا لابومرضي نطيبكم بدهن العود
عسى ربي يحييكم سواته ما نسويها