اختلاف الراي

[poem=font=",6,royalblue,bold,italic" bkcolor="transparent" bkimage="" border="double,3,darkred" type=2 line=0 align=center use=ex num="0,black""]
دق ناقوس الخطر كل(ن) يبي يحمي مقامه=ما يهمه كـل هـمـه يحـمـي شـداد المطـيـه

والجهاد اللي ينـادا بـه وبعـد أسمـه عـلامـه=كـيـف وضـعـه يـا مـصـدرت الـقـرارات القـويـه

هـو تـحـت رايـة ولـي الامـر ولا بالـشهـامــه=الجـهـاد انـواع والـذمـه مــن الفـتـنــه بـريــه

نصرة المسلـم مـقـامـه وأن تـذريـنـا مـلامـه=وأعظم انواع الجهـاد اظـفـر بخـدمـة والـديـه

يا هل التوحيد قولـو للـعـرب تـعـرف نـظـامـه=مـا نـبـيـهـا بـيـن خـلـق الله تعـود جاهـلـيـه

ودنـا تصـلـح حـوال الـنـاس لـكـن يـا نـدامــه=مـا عـرفـنـا راعـي الـراي الـصـواب ولا خـويـه

اختلف راي العـرب كل(ن) ينـادي بالزعـامـه=والشعوب المسلمه صارة على البيدا ضحيه

ليش اسميها زعامه فـي مقامـات الرخـامـه=دامها تسطى على الدم الحرام بدون سيـه

يقتل المسلم جهار وتطـحـن الالـه عظـامـه=بالجيـوش الـداخلـيـه والجـيـوش الخـارجـيـه

والزعيم المعتـبـر يخلـط حـلالـه مـع حـرامـه=يهلك الشعب الكريم بكـيـد عالـم عنـصـريـه

يا بـلادي يحفـظــك ربـي ليـا يــوم القـيـامـه=من براثيـن الفتـن وأفـكـار مسـمـومـه رديـه

تـحــت رايـه لا اله الا الله الـحـق الـمـقـامـه=أفتخر يا شعب ابـو مـتـعـب بـلادك عالـمـيـه[/poem]

\7