دام البكا ياريم مافيه تحريم

كان الشاعرمسجون ماراً من أحد الممرات وفي ذلك الممر كانت( ريم وأمها ) داخلين لزيارة سجينهم

والشاعر سمع صوت الأطفال فتذكرأبنائه فدمعت عينيه
فرأته ( ريم ) فقالت ريم لأمها :
( يمّه الرجال يبكي !! ،، فقالت أمها زاجرة : ريم !!! )

عندها ،، كتب الشاعر هذه القصيدة

أبكي وعيني تسهر الليل يـا ريـم
مدري بلاها الشوق والا الظليمـه

يا ريم دمع العين مدري على الريم
والا على قلبـن تواكـل صميمـه

تقول لاطمني علـى نونهـا سيـم
أبكي وعندي لأزرق الدمع قيمـه

ويمكن يكون الدمع للعيـن تكريـم
ويمكن يكون إلها عذاب وحريمـه

والله يا لولا دمعتـن كنهـا الديـم
راحت ضلوعي من عذابي حطيمه

ودام البكا يا ريم ما فيـه تحريـم
يا عنك والله لأرخص الدمع شيمه

وابكي على حالي من الوجد واهيم
لين الزمن يخلـف عليّـه نسيمـه

أبكي حياتن صافيه ما بهـا غيـم
وين المحبـة والقلـوب السليمـه

أبكي قهر وابكي من الغبن والضيم
وابكي من طعونن بقلبـي قديمـه

غدر الزمن خلّى بوجهي مراسيـم
وما يذبح الرجال مثـل الهزيمـه

بعض المصايب شرها ياكل الهيـم
وشلون بكبود الرجـال الكريمـه

وبعض المصايب يخلفن المفاهيـم
تبغى على ما قيل صبر وعزيمـه

مظلوم بالدنيـا وغيـري مظاليـم
من عرض ناسن لبسوهم جريمـه

ما عاد أبي من سود الأيام تعليـم
عقب العذاب اللي كلاني جحيمـه

ولو تصفي الدنيا علـيّ الملازيـم
ما عاد أدور من وراهـا غنيمـه

غدر الزمن خلّى بوجهي مراسيـم
وما يذبح الرجال مثـل الهزيمـه

بعض المصايب شرها ياكل الهيـم
وشلون بكبود الرجـال الكريمـه



بيض الله وجهك يالترجمي حتى ترضى

قصيده جميله ومعبره
لاعدمنك

والله اسعدني مرووورك.........
اشكرك من قلبي

قصيدة جميلة.. والصدفة جمعت الرجل وريم فكانت طريقه للذكرى..

ابيات معبرة جدا..

تحياتي...

مشكور أخي مشعل
اسعدني مرورك ابن مقحص

الترجمي الله يعطيك العافيه .... فالعاقل والحكيم من اعتبر من دنياه...فلا مصيبه او ظليمه تمر عليه دون ان يستفيد منها
او ان يخطئ خطأ فيكرره مره أخرى .
__________________________________________________ ________________

لك ودي،،،

اسعدتني بمرورك ولك حبي واعجابي.............

تستاهل أبو روز

اخوي الترجمي الله يسعدك

صح لسان القائل وسلمت يمينك على النقل

http://www.3aam.com/vb/f71/t30630.************************

http://www.alshoog3try.com/vb/showthread.php?t=4431