قصيدة عاطل

الهمّ ضيّق خآطري ولآ جدآيل إلآ الغنآ
حتى الغنآ لك الله انه يزيد ضيقي والحزن

واللّي تعنآ واجتهد يبغى الجنى وين الجنى ؟؟
خمسة غروس اسقيتها بيدي ولكن ما أثمرن !!

ما غير أناظرهآ عسى تثمر وتجلب لي الهنآ
تعبت عيوني و ابطت غروسي وأنآ بشكي لمن ؟؟

يآ موطني يالموطن اللي مآعرف مجدك فنآ
خيرك وصل أقصى البلاد العالميه والمدن

يآ موطني أنآ هنآ أنآ هنآ أنآ هنآ
شبحك لمآ بعد الحظن ينسيك من وسط الحظن

يآ موطني ظلّم علي الوقت و أتحرّا السنه
ويروح من عمري زمن ويزيد في عمري زمن

أبغى أرضي الشيبآن و أرضي خاطري بشوف الظنى
لكن مآ باليد حيله آآه يآ شين الغبن

طقيت بآب الرزق لكن مآ فتح والله لنآ
كنه يقول : السير يآ فهمآن لآزم يندهن !!

طقيت باب الرزق لكن مآ فتح والله لنآ
كنه يقول : افلح وجب لك واسطه و إلا استكن !!

قلت أشهد إن لي وآسطه والوآسطه يآبو جنى
حب الوطن والروح في حب الوطن تدفع ثمن

افديه وآقف درع قدآم الهنآدي والقنآ
ولو تركني فالمحن ؟ فلآ تركته فالمحن

فقير مآشفت الغنآ ماني من عيآل الغنآ
لكن اذا نادى الوطن ؟ أتسلف ريآل الكفن

أثور من دونه و أنآ سعودي و أنا طيّب جنآ
من هو يشكك في ولائي فالسريره والعلن

يآ موطني .. هذا عتآب أحبآب .. جعل اللي شنآ
يلقى البليه والمصيبه والمهونه والوهن

خمس اسنواتٍ عشتهآ عآطل ولآ هو بس أنآ
كم فيه من عآطل بوسط الوقت همّش واندفن

نلت الشهآده والفرح برقه سبق رعد العنآ
هذي الشهآدة يآ وطن وين الوظيفه يآوطن ؟؟!!

قصيده رائعه جداا اعجبتني الابيات التي فيها

حب للوطن من الشاعر على لسان ابناء الوطن الذين يفدون بلدهم بكل ما عندهم ولكن يعتبون على عدم وجود وظائف والخير يغطي كل مكان من العالم

صح لسانك

الله الله عليك ..
نص وطني يحمل عتباا

لاهنت ياخوووي ولاهانت بلادنا ومليكنا
وعسى الله يزينها