روح القصيد

السلام عليكم ورحمة الله وبركاته

قصيدة جديدة اتمنى تنال رضاكم واعجابكم



[poem=font="tahoma,5,darkblue,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/14.gif" border="none,4," type=1 line=1 align=center use=ex num="0,black""]
سلام الله على روح القصيد وفلة حجاجه = لفيت اسابق اشواقي بعد ما طول غيابي

قبل ما تبني أبيات العتاب وتشعل سراجه = ترى ما غبت من هيّن عليم الله بالأسبابي

ألا يا قلعة أسرار الغرام وقمة أبراجه = يا دم الحب في داخل عروقي دوم ينسابي

أبيك تحلل الهاوي تبيحه من عنا احراجه = طلبتك يا نظر عيني دخيلك لا تسلى بي

قرار الصفح خلي مصدره لعيون دعاجه = مناتي هرجة عيونك لا عدت باب الأهدابي

فؤادي في رجاها ناظره قايد على أفواجه = جعل حلف المشاعر والعواطف جيش غلابي

طرالي مهبط قليبك وحشني موت مدراجه = وأنا في ذمتي لأجله سواة الذيب ما يهابي

لا تضحك جعل ما راده خفوقي يوم تحتاجه = عشان ألعب على أعصابك كما تلعب بالأعصابي

سألتك بالذي وداك بحر الحب وأمواجه = تجاوبني صراحة لا توهقني مع الخابي

قصيد الحب منهو حابسه يا زين بأدراجه = تفضل قوم قلّط موكبه وأبداه لحسابي

صفا لي وين ما تهوى تفنن بأمر مخراجه = فنون الشعر من ذوقك وذوقك نائل اعجابي[/poem]
وسلامتكم