دروب الهم

بسم الله الرحمن الرحيم


السلام عليكم ورحمة الله وبركاته



فالبداية اعتذر عن الانقطاع الذي دام طويلاً عن هذا الصرح الشامخ

ولكن عسى ان نعود اليكم بهذه القصيدة والعود احمد

وكما يقال دائماً من طول الغيبات جاب الغنايم

واتمنى ان تحوز على استحسانكم ورضاكم



قالو علامك قلت أنا ماني بخير
الهم يلعبي في كل اتجاهي

اسير فالدنيا ولا كني اسير
على دروب الهم والفكر تاهي

هم(ن) لفاني كبر هامة شمنصير
اركى على قلبي وشد انتباهي

وانا بذلت الجهد من دون تقصير
لكن حظي تالي الوقت لاهي

دنيا تقلب كنها لحظة عصير
منهو ضمنها ي رياجيل واهي

رحنا وجينا في كثير المشاوير
وكل(ن) في هالدنيا مسرح وفاهي

ومن لا يخاوي له رجال(ن) مناعير
قضى حياته فالترف والملاهي

وانا مع اهل الطيب راسي كما النير
ويكفي مع اهل العرف رأيي وجاهي

و حبالنا للعد ورد ومصادير
يومن بعض الناس يكفيه شاهي

وختامها عداد مارفرف الطير
صلوا على اللي عن معاصيه ناهي


وسلامتكم