ديوان ( نزف المشاعر2) لهشام بن بريك

بسم الله الرحمن الرحيم




ليه التعالي والحزن ف الملامح
يخفي لسانك لكن عيونك تقول

اشوف همك تالي الليل جامح
واثار دمعك من على خد مبلول

عطني علومك ادري القلب كادح
وسحاب همك يمطر الحزن هملول

ضيعت عمرك بين صمت وتسامح
وخليت لك جنبٍ مع الناس مشلول

هذا كلامه مرٍّ و ذاك قادح
وانت انت ما تنطق سوى هرج معسول

تمادوا العربان ضاوي و سارح
واشوف وضعك مثل ماهو على طول

نطق لي بكلمة : تبينا نتصارح؟!
انا بخير وخاطري غير معلول

أبكي فرح ودموع عيني تطارح
مبسوط مستانس ولاني بمذلول

كسبت شيٍّ ما يجي بالمشالح
ولا يجيبه سيف ف الوجه مسلول

كسبت حب الناس فاسد وصالح
وكسبت دعوة شخص بالغيب مجهول

قلت بغرابة زيدني بالنصايح
انا من اللي قاعد تقول مذهول

قلي تبي ترتاح خلك مسامح
هرج البشر وطعونهم كلها تزول

شف ذي يدي حتى المعادي تصافح
وابشرك مبسوط ماني بمذلول

[poem=font="mcs almaalim,6,,normal,normal" bkcolor="transparent" bkimage="" border="none,4," type=1 line=1 align=right use=ex num="0,black""]

تخيلني ورق صافي وفوقي رزمة الأقلام =تعال انثر هواجيسك على صدر الورق بالهون

تعلم واسكب الحبر وتجرا واطرد الاوهام=وعود حالك انك تنطلق واللي يكون يكون
انا قبلك صبرت وخاطري من واقعي ينضام=وقلت ان السكون اولى وانا اللي بالعنا مسكون
بقى خطوه بسيطه وانجرف في سجن الاستسلام=بلحظة ياس فاجأني الأمل وتبعثر المكنون
صرخت وصرختي كانت دوا يقضي على الالام=وقفت ووقفتي سيفٍ بريقه يفرح المغبون
رجع حالي مهو حالي صحى من قسوة الأيام=تعدل شي قد مال وتحرر صمتي المسجون
فتح قلبي شبابيك الغرام وجمع الأحلام=ونادى يالأمل شكرا معك ماعادني محزون
تعنينا بمافيه الكفايه والسعد قدام=وننسى ماهجرنا من حزن ونعيش في هالكون[/poem]

[poem=font="microsoft sans serif,5,black,bold,normal" bkcolor="transparent" bkimage="" border="none,4," type=3 line=0 align=center use=ex num="0,black""]
لا تناظـر والمدامـع فـي المحاجـر=تخجـل وتنـزل علـى خــدي جـمـر

والخناجـر ناشبـة وسـط الحناجـر=والألــم مـوجــود مـــا مـنّــه مـفــر

في ظلام الهم وسْط الضيق صابر=حيلـة اللـي لا ضعـف حيلـه صبـر

يمكن ارتاح وتقـوم الشمـس باكـر=تشـرق وتنبـت مـن الزهـر الثـمـر

يـا شتاتـي جعـلـك تــزور المقـابـر=قبل يسلك جمْعي الماضي سقر

جمّعـي يـا روح كــل الـلـي تنـاثـر=واغلـبـي تـيـار ريـــح الـلــي نـثــر

الخريف اللي على الهاجس تواتـر=لا لـفــى وقـــت الـربـيـع بـيـنـدثـر[/poem]

[poem=font="traditional arabic,5,black,normal,normal" bkcolor="transparent" bkimage="" border="none,4," type=2 line=1 align=left use=ex num="0,black""]
لملميني يا حروفي بعد ذيك البعثرة=والشتات اللي عبث فيني قبل تسعة ليال
دمع عيني حابسه لكن عيوني تنثره=رحت مع حزني يمين وراحت الفرحة شمال
والزمان اللي يدرسني تثنّيت اشكره=بعد ماشافت عيوني كيف هو قهر الرجال
خاطري ياخاطري ما قد مضى لا تذكره=خل نظراتك بعيدة في قمم عالي الجبال
منتهى الحرمان كوب القهر بيدك تسكره=ويتغطى عقلك المهموم من شيٍّ حلال[/poem]