ديوان الشاعر / سيف عايض الصادري

يارساله وارده تحكي حكايات الدمار
تحكي احكايتنا ماضي وفالعهد الجديد

الرساله كان من مضمونها سيف وشعار
سيف للمجد ويرمز به لتاريخ بعيد

والشعار يجيب حيره للعقل والاانبهار
جز من حرفه يفك لساجنه عشرين قيد

شفتها نهرا يعكس بماه من لون الخضار
يسقي الاشجار مشتبكه كما العقد الفريد

عقد صافي من ذهب موجود في بعض الديار
نشتريه احيان للافراح ولا وقت عيد

الذهب ماهو نحاس لو فاللون الصفار
الذهب غالي ثمن لو كان اخف من الحديد

كل ماحاولت اجيبه رجعوني فالمطار
الضرايب زايده والا البضاعه ماتفيد

اكتشفت ان المقلد لو ثقيلا فالعيار
الذهب غالي ولو انه ماسافاته بعيد

وابتدينا البحث وقت الليل واطراف النهار
عن ذهب غالي نبي نهديه فالوقت السعيد

اكتشفت ان المناجم في عصور الاحتكار
انتهى موضوعهم والشيك حول فالرصيد

قالو ان السوق قدامك ولك حق الخيار
احتزم سيفك ماحد معطيك سيفه يارشيد

واكتشفت ان الذهب يبقى ذهب لوشب نار
وابتدى التنفيذ للفكره وللراي السديد

وابتديت اجمع جواهرها من اعماق البحار
واعتلى ميزانها عما سواها اللي زهيد

حجمها لو هو صغير فالثقل وزن الكبار
مفخره للمجد وقت العرضوالافالقصيد

واكتمل بنيانها ماعاد ياصلها الغبار
مثل برج الفيصليه مرتفع شي اكيد

مابقي غير انعرضها حان وقت الاختبار
كان ماجابت مكاسب نام ياراسي واهيد

المراجل ماتجي بالغصب والا الاختيار
المراجل من نصيب اللي لحظه مستفيد

القصيده الثانيه عشر للشاعر /سيف عايض الصادري
سلامي سلام الذ واحلى من السكر
يصل للزعيم اللي بروس المراقيب

الا يالخوي اللي بجوه تعكر
يعرف الاصول وافيا في المواجيب

ليا شاف وان الدرب قدامه مسكر
يحاول يدور حل مافيه نقص وعيب

ولن شاف وانك رجل مهموم وتفكر
يجيب العلوم اللي عن العز والطيب

ولن شاف وان خاطرك طفشان متعكر
يقف ماقف الشجعان ويكثر الترحيب

ولن جات زله منك من دون ماتذكر
سمحها مايسمع قول شكاك ولاريب

خوي السعد تلقاه والم ومتعسكر
ليا جيت له في علم تلقاه مثل الذيب

هذه يستحق خطاب تكريم قبل الشكر
ويستاهل التقدير لو كان ما به شيب

الاياعزيز النفس ياطيبا فالذكر
مانلقى سواتك رجل مابه عذاريب

عسى مايجيه الظيم مايشهد المنكر
ولا تاصله عين الحسود المعاجيب

القصيده السادسه والثلاثون بعنوان المرجله


مادام وان المرجله صعبه ماهي حظ ونصيب
ابشعب اركابي وادربها على تحقيقها

وابعبر ال بحر المراجل واسبحه لوهو صعيب
لعل نفسي للحمول الطايلات اتطيقها

احمولها متعدده والدرب قدام ورهيب
واللي يوثقها مع الله مااختلف توثيقها

نهارها تصلاه نار وليلها فالخبت ذيب
لو فالطريق اسباع مالخطوه علي اتعيقها

واسل سيفا شفرته يكسر بها العظم الصليب
يسكت العدوان والاصحاب لي تصفيقها

والمنتقد لو كان يبغى ينتفد ما شاف عيب
ايفسر الصوره خياليه صعب تصديقها

وتصير رسمه فوق لوحه تاخذ الوجه العحيب
من كثر ما تبهر تشوف العين في تحديقها

من نظمها وافكارها قول الفرزدق دون ريب
اجني زهر وارمي ثمر للي سمع تدقيقها

واخلي اللي ماعرفني يعرف اني كنت ذيب
بس اتغافل عن كلام الناس لانشف ريقها

واثبت امام المجتمع شعري و بالقول الاديب
انثر مهارات السنين اللي بدا تطبيقها

القصيده الثانيه عشر للشاعر /سيف عايض الصادري
سلامي سلام الذ واحلى من السكر
يصل للزعيم اللي بروس المراقيب

الا يالخوي اللي بجوه تعكر
يعرف الاصول وافيا في المواجيب

ليا شاف وان الدرب قدامه مسكر
يحاول يدور حل مافيه نقص وعيب

ولن شاف وانك رجل مهموم وتفكر
يجيب العلوم اللي عن العز والطيب

ولن شاف وان خاطرك طفشان متعكر
يقف ماقف الشجعان ويكثر الترحيب

ولن جات زله منك من دون ماتذكر
سمحها مايسمع قول شكاك ولاريب

خوي السعد تلقاه والم ومتعسكر
ليا جيت له في علم تلقاه مثل الذيب

هذه يستحق خطاب تكريم قبل الشكر
ويستاهل التقدير لو كان ما به شيب

الاياعزيز النفس ياطيبا فالذكر
مانلقى سواتك رجل مابه عذاريب

عسى مايجيه الظيم مايشهد المنكر
ولا تاصله عين الحسود المعاجيب

القصيده الثالثه والعشرون للشاعر /سيف عايض
مدام وان البال مشغول ياحسين
ماعاد ليه خاطرا عند الاجواد

دورة رحات الوقت مدري على فين
الله يكافينا المذمه والانقاد

عشنا قديم الوقت في عصرنا الزين
واليوم اشوف الجو غيم فالارصاد

والادمي يعيش يوما ويومين
مقسمه تقسيم من ضمن الاعداد

يوما مضى مكتوب بالزين والشين
وليا نقص يوما من العمر ماعاد

ويوما نعيش الوضع ونشوف بالعين
لكن مانقدر على صنع الامجاد

احدا بلاه الهم والفقر والدين
واحدا ذنوبه في يدينه بالاصفاد

واحدا على الدنيا يلاطم بيدين
يجمع بها الدنيا ويرصد للاولاد

واللي كسبها يكسب المال والدين
يبغى الشهاده كان فالدعوه اجهاد

ويوما ماندري فيه ولا مقفين
والمسعد اللي ياخذ الدرب منقاد

واللي يكرر قول بعدين بعدين
ما ينفعه كثر البكاء والتنهاد

يمكن يجيه الموت فالهند والصين
والايجيه الموت في نومت ارقاد

والوضع اشوفه مثل حدا لسكين
ماعاد فالدعوه قهاوي ومرقاد

وختامها يامنزل الفجر والتيين
اكتب لنا الرحمه قبل يوم الاشهاد

القصيده الثالثه عشر للشاعر/سيف عايض الصادري
بعد العصر عديت فالرجم يافهيد
اشوف ديرتنا وكل الحواري

اتذكر ايام الصبا دون تحديد
واتذكر الفيه وظل العصاري

اسمع صداللصوت والقول ويعيد
كانه صديق لي وجالس جواري

واذكر هدير الابل وهي بها القيد
ركوبنا قبل تجينا اللواري

ولا الحلال اللي ليا شاهد الحيد
تسمع ثغاه اصغار ولاكباري

يامحلا الديره ويامحلا الصيد
لو كان مافيها وعول وحباري

افراحنا فيها كما فرحة العيد
حتى ولو فالليل فيها غداري

نتذكر اياما ربينا في هالبيد
ما نعرف الاسفلت ولاالكباري

تكفى يابو خالد نبي جارنا زيد
نبغى نزوره فالزمان الحضاري

صوت الطيور وللعصافير تغريد
تنسيك هما لو فالدم جاري

وتشوف فيه اديار ناس اجاويد
لن كنت تبغى صيد وبر وقماري

هذي علوم البدو مفهوم ياعبيد
يامحلاها صيدتا فالبراري

اتجدد الراحه على النفس تجديد
بالذات كان الجو ما به غباري

انكان وقت امطار فحظك اسعيد
تقدر على قنص الوحوش الضواري

وسلاحكم جيد مرخص على الجيد
تجيب صيدا ما تدور عواري

عيش في ديار سليم مافيه تهديد
بالدم نفديها فوقت الطواري

يارساله وارده تحكي حكايات الدمار
تحكي احكايتنا ماضي وفالعهد الجديد

الرساله كان من مضمونها سيف وشعار
سيف للمجد ويرمز به لتاريخ بعيد

والشعار يجيب حيره للعقل والاانبهار
جز من حرفه يفك لساجنه عشرين قيد

شفتها نهرا يعكس بماه من لون الخضار
يسقي الاشجار مشتبكه كما العقد الفريد

عقد صافي من ذهب موجود في بعض الديار
نشتريه احيان للافراح ولا وقت عيد

الذهب ماهو نحاس لو فاللون الصفار
الذهب غالي ثمن لو كان اخف من الحديد

كل ماحاولت اجيبه رجعوني فالمطار
الضرايب زايده والا البضاعه ماتفيد

اكتشفت ان المقلد لو ثقيلا فالعيار
الذهب غالي ولو انه ماسافاته بعيد

وابتدينا البحث وقت الليل واطراف النهار
عن ذهب غالي نبي نهديه فالوقت السعيد

اكتشفت ان المناجم في عصور الاحتكار
انتهى موضوعهم والشيك حول فالرصيد

قالو ان السوق قدامك ولك حق الخيار
احتزم سيفك ماحد معطيك سيفه يارشيد

واكتشفت ان الذهب يبقى ذهب لوشب نار
وابتدى التنفيذ للفكره وللراي السديد

وابتديت اجمع جواهرها من اعماق البحار
واعتلى ميزانها عما سواها اللي زهيد

حجمها لو هو صغير فالثقل وزن الكبار
مفخره للمجد وقت العرضوالافالقصيد

واكتمل بنيانها ماعاد ياصلها الغبار
مثل برج الفيصليه مرتفع شي اكيد

مابقي غير انعرضها حان وقت الاختبار
كان ماجابت مكاسب نام ياراسي واهيد

المراجل ماتجي بالغصب والا الاختيار
المراجل من نصيب اللي لحظه مستفيد

Gamr1 الربيع

القصيده العاشره للشاعر /سيف عايض الصادري الربيع
يامحلا صبت الفنجال والدله
على البساط الخضر وبجنب غدراني

والارض بعد المطرلساع مبتله
في مجلس بين صدقانا وخلاني

انشهد انه مكانا يبري العله
جلستك ساعه تساوي طول الازماني

صوت العصافير فوق اشجارا مطله
اتزيل همك ولو اتكون حزناني

والجو غيم وغطته السحب كله
وقت الظهر وانت للبراد طرباني

فنجال شاهي من ابريق على المله
يطرد عماس التعب لاكنت سهراني

واليا اقبل العصر جتك السحب منهله
ماتشوف غير البروق وسود الامزاني

ودك تعيش الزمن كله في هالفله
مدام هالجو شكله جو روحاني

وتزيد فالوقت كان مجهز السله
واغراضك اللي تباها دون نقصاني

مافيه من يزعجك ناس ولاشله
تصلخ وتطبخ وتعزف كل الالحاني

جو البراري يعوضنا عن الفله
اللي سكنها مابين الست جدراني

الفصيده السابعه والعشرون في زواج ابناء الاستاذ /فايد عوض الله الصادري وهم انور فايد وايمن فايد
يامرحبا في حلة ترفع الراس
بضيوفنا اللي زادو الحفل تشريف

الله يحيييكم ومن كل الاجناس
وجودكم تشريف ماهو بتكليف

الحفل متنومس وزدتوه نوماس
ايقولها فايد وكلف بها سيف

فايد جويد الاصل والمنسب الساس
جويد ساس وللنياشين حريف

الياوقف دون القبيله في متراس
يجيب فيد ما توصفه توصيف

والجوهره اللي غاليه درة الماس
ماهي نحاس محرفه فيه تحريف

حنا بني صادر على كل نبراس
ردادة العدوان كرامة الضيف

واللي يجينا يشكي الظيم والياس
يبشر بنا ويريح الراس بالكيف

انساير العربان والناس بالناس
نوفي حقوق الجار فالحضر والريف

شيخ الفبيله اليا وصل دق الاجراس
حلال للصعبات لو كان بالسيف

فرج ولد ناجم كما النمر جساس
رجلا شجيع ماحسب هرجة اضعيف

مبروك يانور وايمن ايام الاعراس
المرجله بالدين ماجات تسليف

الله يوفقكم على الدين حراس
انتم رجال الدين ماهو بتوليف

Gamr4 السر
الضيق ماهو ضيقة الارض والكون
الضيق ضيقة صدر مماجراله


هذه حقيقة واحدا قلبه اطعون
لكن ما يشكي على الناس حاله


اللي يشوفه يوم جرات اللحون
يقول هذا الرجل مرتاح باله

(الصبر زين وفيه ثنتين مضمون)
كسب الجميله قبل كسب الجزاله

والجرح يبقى داخل القلب مدفون
مثل السجين اللي بسجنه لحاله

القلب يحزن جوف الاضلاع مسجون
والصبر زاده لاجل سرا تكاله

والدمع متجمع ملا محجر اعيون

لو ينهمر يمطر مطر من خياله

من كثر مايكتم الم عض بسنون
خوف اللسان اتفك منه حباله