يا أخوان الشياطين

يا أخوان الشياطين
قصيدة للأستاذ مقبول مبارك العرابي 14-4-1437هـ

1- تبا لكم ياهل التبذير يا أخوان الشياطين

= يا أهل البذح والمهايط والسفاهه والتفاهات

2- يا كافرين النعم يا زارعين الكبر والشين

= يا مشوهين الكرم بأقشر بدعكم والدعايات

3- من قبلكم قيل غسًل باللبن قوم(ن)بطارين

= والله مسخهم قرود ولا اعتبرتوا يا حسافات

4- يا أهل العبث بالنعم ما ذا الكرم والناس دارين

= هذا مهايط وكبر وفيه للشيطان غايات

5- إبليس من بعدكم يجني علينا يامجانين

= وانتم نسيتوا عقاب الله يا أصحاب الجنايات

6- ياليت كل(ن)يقل ذا الخير كله جاي من وين

= ويصرفه في رضا الله في جميع الاتجاهات

7- يراقب الله ودايم يحمده فالعسر واللين

= ويغيث زهر(ن)ذوى وديار من مدة سنيات

8- يشعر بحال اليتامى والأرامل والمساكين

= واللي من الجوع كنه حي والا بعضهم مات

9- والكل كنه يقول وقال عنا الناس لاهين

= وين القلوب الرحيمة والأخوًة والشهامات

10- وين الكرم والتباهي والسطر يا أهل الملايين

= يا حسبنا الله عليكم ياهل التبذير بالذات

صح لسانك يامقبول , ولاهنت

صح لسانك ملاييييييييين
واعتلى شانك
تحياتي وتقديري