غيث القلوب

متواضعة اهداء لملك القلوب والإنسانية أطال الله في عمره

عد ما هبت هبوب وعد ما تمطر سحـابة
مرحبا بالغايب اللي نور الأرض وسماها

الحجـر لو كــان ينطـق رد كلـمـة مرحبابه
والشجر حتى الهبايب رحبت نسمة هواها

باسمي وباسـم القبـيـلـة لابةٍ من سـد لابه
ربعي سليم العريبـة لابةٍ ماحـداً خـفـاهـا

كل طفـلٍ كل شايــب كل شخصٍ في شبابه
رحبوبك يا مليك العرب يا حامـي حمـاهـا

رحت غيث وجيت غيث وعم خيرك لا غرابه
فوق شعبك مثل مزنه أمّطـرة وانهـل ماهـا

ياملك نسـل الملـوك وذئب من نسـل الذيابة
ابو متعب من صميم الصلب سيسانه بناها

حامي الميقــاف في عسـر الـيـالـي يعتـزابه
ما يعوّد عـن طريقــه عالي الصعبـة رقاهـا

ديـرةً ما هـو بهـــا والله كئــآبه في كئــآبـه
لو أعاليـها سحـايب والعشـب لابس ثراهـا

واحد وتسـعـين يوم الـدار تبكـي من غيابه
لو لهـا عيـن ودمعة تـذرف أغرقنـا بكـاها

المـواطـن مـا تهنى في طّـعــام وفي شــرابه
والحقيقة من غيابك ضاقت الأرض بفضاها

والقدر مكتوب في صفحة مسجّل في كتابه
ما تموت النفـس ما غلق وكـمل منـتـهـاهـا

القــدر لو كـــان يـــنرّد بالــدمـــوع وبالحـرابه
تمطر الأعيُن سحاب ونشعل الحرب ورحاها

والله انه مـا يجيـك الشّـر لـو وزن الذبـابه
كل روحٍ دون روحك يا عسى روحه فداها

نحمد الله جيت سالم جرح لا تحسب حسابه
غطرف الشعب السعودي والعداء تبت يداها