الله يعيضه في شبابه

الله يعيضه في شبابه
قصيدة للأستاذ مقبول مبارك العرابي بمناسبة وفاة الشيخ صالح مسفر عبدالله العرابي 28-12-1433هـ
1- الله يرحمك يا من عاش بأحضان المعاناة = من عقْب ما عاش بأحضان السعادة في شبابه
2- ما كان قبل المرض للكيف ذوق بْدون ملفاه = وإن أدرج الكيف للافين يا ما أحلى شرابه
3- طلْق الحجاجين يبهج مجلسه والجود يمناه = حر(ن) ذعر هقوته والحوم من فوق السحابة
4- لكن بعد المرض كسًر جناحينه وثناه = لاوى قيوده وجظ وبرًكه جاير صوابه
5- أبو فهد صالح بْعز الشباب الشيب وافاه = وجارت حموله ورد أمره لمن يرجي ثوابه
6- الله من قسوة الدنيا ومما الحر قاساه = وعزي لمن رد له وقته بعد سعده بنابه
7- والله من ماقف(ن)لأهل الغلا والعز ما أنساه = أبنا أحمد بن خلف ربع الحمية والمهابة
8- اللي بناخيهم ورفيقهم بالعين مركاه = ولا عنه صدو ا بعد صد الزمن وأدمى حرابه
9- الله يرحمك يا من بالغلا جريت طرياه = واون وأزفر وأقول الله يعيضه في شبابه
10- عليت ياقصر يبقى للفخر في عز مرساه = بوجود الأركان وأخواله وربعه والقرابة
11- واليوم لاشك أبو عبدالله الميقاف يعناه = فهد رفيع القدر والسيف عزه من نصابه
12- وأبو رعد عم.أبو .من كل صوب العلم ينصاه = حسن حسن شبل حرً الله يرحم حرً جا به
13- وختامها بالصبر ما قدر الرحمن نرضاه = وصلوا على أحمد وغالينا عسى الجنة مآبه

قصيده جميله وصح لسان قايلها