خوة هل التقدير

\7

[poem=font="Simplified Arabic,4,blue,normal,normal" bkcolor="transparent" bkimage="../backgrounds/14.gif" border="double,4,gray" type=2 line=1 align=center use=ex num="0,black"]
يازين نفحـات الهـوا يـوم نسنـس=يشفي ضميري لاشعرت بنسيسه
وخوة هل التقدير في كل مجلس=هــذا دوا قـلـبـي وهـــذا ونـيـسـه
مـن طيبهـم لاجيتهـم يـوم نجلـس=من شوفهم تشفى النفوس البئيسـه
والكيف لاجا الضيف بنٍ محمس=وريـح العويـدي فالـدلال النفيسـه
ماهـو بمجـلاس الوجيـه المعبـس=الـي مـن التنبـاك يــوذي جليـسـه
واحدهـم ليـا قـام كنـه معـه مــس=من ضيقته لاقام تسمـع ضريسـه
مـن خـوة الاشكـال ذولا تحـرس=تراهم أشبـه بالنمـل فـي حسيسـه
شم واحتشم عـن دربهـم لاتدنـس=مالك ومال اهل النوايا الخسيسـه
أمــا بمـجـلاسٍ تجـيـه وتنـومـس=الطيب ذخـره والمعرفـه عريسـه
مـجـلاس قــومٍ لشهـامـه تـنـافـس=مابـيـنـهـم كــــذاب ولانـطـيـســه
خويـهـم لاحــده الـوقـت وافـلــس=قامـوا معـه وقـت الليـال التعيسـه
ولا بلاشي من مجالس هل الدس=أهل الحكي وأهل العلوم الدسيسه
ميـر الزمـن تـال الليالـي تعـكـس=وأعـوذ بالله مـن خــزاه وبليـسـه
والوضع مـزري وألاوادم مبلـس=راحـوا لصكـات الليالـي فريـسـه
والليل عسعس والصبـاح يتنفـس=والمسجد الاقصـى تحـول كنيسـه
وغير عوايدنا راع ok مع yes=نتبـع خطاهـم لـو خطاهـم دنيسـه
وأصل الشجاعه في وطنا تدرس=والمرجله والطيـب فينـا غريسـه
وختامهـا عـداد ماللـيـل عسـعـس=صلوا على راع الخصال النفيسه
نبـيـنـا ألـــي لشـريـعـه مـــدرس=صلواعلـى آلــه ومنـهـوا جليـسـه [/poem]