جديد الشاعر عبد الله مبارك ال عجين الزعبي

[poem=font="Times New Roman,4,darkred,bold,normal" bkcolor="transparent" bkimage="backgrounds/27.gif" border="ridge,6,orange" type=1 line=0 align=center use=sp num="0,black"]
ياللي شهرتي في مزايين عصرك=ترفقي تكفين باللي يشوفون=
ترفقي في الناس مخطي ومدرك= مادام تدرين الهوى دون قانون=
عز الـلـه انـي مــاتوقــعت شــرك =كنت احسب أن البيض قبلك يداوون=
وكنت احسب أن الحب وافي وغدرك=صور لي معاناة عشاق واحزون=
يالأجوديه من وطو حر جمرك=والله يحول الحول ماعنك يسلون=
أن كان زينك فالمخاليق غرك=غيرك ترى مغرور ماهوب مزيون=
يحق لك وان قلت ماهوب قدرك=للزين قالوا والحياء الناس يمشون=
يالعنبو غيرك ويفدون عمرك=يفدونه اللي من جمالك يغارون=
واللي بغوا فالحسن ينقاس شبرك=يبطون والله وما بدو فيه يبطون=
يا درة الخفرات لله درك = الحب بلوا والبشر منه يشكون=
انا لحمحتك واول الخير هجرك=اودعتي القلب القلب الشقي هم وطعون=
الليل شفته في مجاديل شعرك=يضيع اللي من بغي فيه يسرون=
المبسم اللي كنه الصبح ثغرك= وحجاج مرسومٌ مع رموش وعيون=
واللي يبي منك والله ما يعذرك=والعرف ما يبلش به اللي يعرفون=
ادخل على الله كيف لو بان سترك=خطير كل الناس مثلي يغنون=
لبيه لاقلتي ولبيه لامرك=ولبيه اللي هم بعد لك يلبون=
وباح سري بالهوى صنت سرك=سر الغلا في مهجة القلب مكنون=
انا رسمتك بالطواريق واثرك=لوحه في معرض والزباين يسمون=
ان كان ليلي ما ضوى فيه بدرك=فانا رماي والقوانيص يرمون=
جعل العمى لعيون منهو يضرك=اقوالها يابنت وابليس ملعون=[/poem]