الصدااااااقه

(الصداقه)

الصداقه وجه واحد مالها وجهٍ بديل
والمجامل للمصالح ينتهي في حزته

والعرب على مباديها ولا يمكن تميل
لو يميل عقال راس الرجل مالت غترته

الصداقه راس مال ولاتوزع بالسبيل
الصداقه للخوي اللي تنومس خوته

الزمن هذا غريب وفيه نكارت جميل
والنشاما يالنشاما ماختفت في عجته

مابكلف فوق خلق الله تعمل المستحيل
والبشر كلٍ سلوكه حسب بيئه لمته

الحمامه من يوالفها تعلمه الهديل
والصقرهامه وفي راس الطويله هِمته

ومن ورد للعد يرد الجمم لو حبله طويل
والحبال اللي قصيره ماتورد جمته

ومن تحرى الناس فوق العد تملى له صميل
والله أبرك له يلثم باللثامه غمته

والله إني بانصح الرجال وأسعى للجميل
من بعدها أبرا ترى من ذمتي في دمته

والسموحه لو أنا دمي على العالم ثقيل
بس ماخون الصديق اللي ضلوعي ضمته

والختام أبذكر الخالق ولا غيره وكيل
الرحيم اللي شملت كل الخلايق رحمته

نفاع عواض السلمي

صح لسانك .. مبدع كما عهدناك ..


لاخلا ولاعدم ..

صح لسانك شاعرنا القدير

قلمك حلق في سماء الابداع كالعاده

مزيد من التميز . تحياتي

صح لسانك وسلم منطوقك قصيدة جزلة


من شاعر جزل لا فض فوك ولا


عاش حاســـــــــــــــــدوك

صح السانك ياجزل

مبدع الله يعطيك الصحة والعافية

المشرف القدير

نفاااع الربيقي

صح لسانك قصيدة جزلة من راع الجزالة

اتسمت ابياتها بالجزالة والحكمة والترابط الجميل
وشاعرنا الجميل غير مستغرب عليك الابداع

لاعدمنااااك

المشاركة الأصلية كتبت بواسطة عوض البقيلي

صح لسانك .. مبدع كما عهدناك ..


لاخلا ولاعدم ..

الاستاذ عوض البقيلي
صح الله بدنك ورفع الله قدرك والله حضورك إبداع مانعدمك يابعدي الف شكر

المشاركة الأصلية كتبت بواسطة عدنان العلوي

صح لسانك شاعرنا القدير

قلمك حلق في سماء الابداع كالعاده

مزيد من التميز . تحياتي

صح الله بدنك مشرفنا القير عدنان العلوي والتميز والإبداع في حضورك المميز الف شكر

المشاركة الأصلية كتبت بواسطة السيف البتار

صح لسانك وسلم منطوقك قصيدة جزلة


من شاعر جزل لا فض فوك ولا


عاش حاســـــــــــــــــدوك

الاخ العزيز السيف البتار
صح الله بدنك ورفع الله قدرك وماعليك زود لاهنت الف شكر

المشاركة الأصلية كتبت بواسطة عبدالصمد الحجيري

صح السانك ياجزل

مبدع الله يعطيك الصحة والعافية

صح بدنك أخي عبد الصمد الحجيري ماعليك زود يعافيك ربي تسلم