المسلسل الدموي

والا يــا هـاجسـي بعــد زهـمتـك للقـصيــدة قـف
ابكتــب لـي قصيــدة تـطــرب الســامـع وقاريها


ليـا منــك لقـيـت اللـي تنـاسبـنـي علـيـها الـتف
من الجـزلـه وانـا يـا مــورّد الجــزلات راعيـها


حـروف الشـعر لا هنتـي عليك الله صفي صف
مثـل صـف العسـاكر صفــها ضـابط يجـازيهـا


ابرسـم للأسـى لوحه واشف أعمق خيالي شف
يجـوز القـا جـواب الصمت بآخر حلم ماضيـها


مغاويـر الجـروح ودمـع عينن بالبـكاء مـا كف
جمـوع أحـداث في عـام الأسى نجرع مأسيـها


مسلسـل صــار في تونـس ودفــه للعـروبه دف
وغـرّد في سمـاء مصر وتمخطـر في روابيـها


وبعد ما دمـر معـمر طمسه الأطلـسي وضـف
وغـرد في رُبى صنعـاء علـي صـالح يمانيـها


هنا حلف العيون الزرق قايـدها زعيـم اشتف
ومنتـوج البـحـر يشبـِع شعــوبه قبــل يغـنيـها


الا يا بحر ما ينضـب حسـافه كيـف جمك جف
تنـاظـرك العـروبـه بعـد مــا يبســت موانيـها


الا واوجـد حالـي وجــد مـن يزفـر زفيـره أف
على بيـت العــروبه والـزمــان اللـي معـلـيـها


وصار اليل مـع ضـو النهـار وحالهـا مؤسـف
سبـب مجنــون دكـتـاتـور كــان ابــوه والـيـها


سبا هاك الهنـوف اللي تصفّـق كفـهـا بالكـف
عليـه الله واكـبـر كيـــف حامـيــها حرامـيـها


ولد نعـجه وسموه الأســد والكــاسر المجـلف
زمان القـط فالجـولان كاســـر في ضواحيـها


أسد حمص وحماه اللي دمرها بالقنابل قصف
وهضبـة حــارة الجـولان لسـرائيـل مهــديـها


زعيم العـرب ابو متـعب توكل بالولي وكـف
بلاد الشــام والأســـلام من طغيـان طاغيـها


وحنا لك جنود وكل شعـب العُرب لك يهتف
ندمر زمـرة اهـــل الشــر جــو وبــر ننـهيـها



الاخ الشاعر \ خالد العلوي


قصيده مميزه بجمال قافيتها والفاظها

ومفرداتها وجزالة موضوع تصوير

للموضوع بشكل رائع واحترافي

تفنن شاعر بلاشك لديه مقدره

شعريه وتمكن لاخراج مثل هذه

القصيده التي لها حضور هنا

مميز

صح لسانك وسلم منطوقك

على هذا الابداع