ديوان الشاعر حمدان بن عامر الشكري (ابن مقحــص)

( يامن )

يامن نثرت الشوق عطرٍ من اكلين
على سما دنياي0واشعلت بوحي

وزرعت في بستان عشقي رياحين
حتي اصبحت منه المشاعر تفوحي

واسقيت من بحر الهوى يابس التين
ودوايت من ثمرة شجرها جروحي

ورسمت0 في كفك 0لدربي 0عناوين
وعطرت بوجودك 0 حياتي 0وروحي

واعطيتني من باقي أسنينك أسنين
وجددت واحييت بخفوقي طموحي

تبقى وانا ابقى دوم بالحب سامين
يااحساسي وهمسي وصمتي وبوحي

( الحوثي )

ياالحوثي اللي كل ما خضت المعارك ماتفيد
ياغاوي أدروب السنع ياغاوي أدروب الرشاد

في كل حرب نحذرك ونلقنك درسٍ جـــديد
حد السعوديه خطر من دونه أجنود وعتاد

أثرك غبي ماتفتهم ناقص عقل مدري بليد
مدري خبل والاهبل والا مغررك العناد

خنت الوطن والشعب يالحوثي ياملعون الكديد
بعت اليمن للفرس واذناب اليهود اهل الفساد

حنا صبرنا لك كثير وجتك شهبٍ من حديد
قامت تصب من السماء فوقك صواريخٍ جداد

حنا على التوحيد والحق المبين ولانحيـــــد
حنا فدا لارض الوطن والجار لنادا المناد

واليوم جاك الموت وانته لافقيد ولاشهيد
والقبر يحفرلك بقم ولايقام إلك الحداد

خل اليمن لاهل اليمن اللي يخلونه سعيد
اللي فدوا بارواحهم ارضه وهبوا للجهاد

الطيّب اللي يعترف بالجمايل
والا اللئيم ليا قضى حاجته صد

وراع الفضايل له تعد الفضايل
لوكان بالعرفان والشكر والود

ومن لاشكر للناس طيب الفعايل
لله مايشكر 00 وللطيب ماعد

( حسن زميره )

قل للخميني ياحسن زميره
إنا دعسنا فوق راس الحيه

عفاش والحوثي ولابه غيره
وانت بعد باقي علاك شويه

خله يموت من القهر والحيره
موتت غبن بالذبحه الصدريه

عادت عليه افعاله الشريره
وقام يتخبط بين ذيك وذيه

وإنشل من هول الخبر تفكيره
وتبخرت احلامه الوهميه

بعيد تاصل حدنا ياطويره
حنا مقابيس الوغى والهيه

اهرج وزمر ياحسن زميره
والله ماتقدر تسوي شـــيه

حنا حماة الدين واهل الجيره
وحنا دعاة السلم والحريه

ليا نخانا الجار حنا نجيره
من ظلم ظالم خاين الشرعيه

وحنا سعوديين أصل وديره
عرب عرب بالدين والقوميه

نحما الحما ونواصل المسيره
خدام0 لبيوت 0الله 0المبنيه

وحنا لنا منهج ولاء وسيره
لله 00ولكتاب الله ونبيــه

مانتبع الفقيه 00 يالزميره
اللي غدى باديانه الوضعيه

صباح الخير يااحلا من السكر على القهوه
صباح الخير يا اعذب من الشعر وترانيمه

صباح الخير ياوجه السعد والطله الحلوه
صباح الخير ياصوتٍ تجاذبني تقاسيمه

( دروس )
أخذ دروس اليوم من واقع ألامس
لاشفت في بعض الامورالتباسي

وأعرف ترى ماتجني الخمس للخمس
وإن الذكي ماهو برفع الحساسي

ياكثر من طبل على فاضي الرمس
مايدري إن الضلع ثابت وراسي

بعض العرب يستانس بهرجة الهمس
دايم على درب الردى والخساسي

وبعض العرب بغوايته منغمس غمس
يصبح ويمسي بين غي وعماسي

إن أشرقتله شمس وإن غابت الشمس
خايب ولايعرف دروب الحماسي

عز الله إن الوقت والعالم العمس
خل بعض ناسه عن الطيب ناسي

البارح الهم والاحزان والضيقه
تواردت كلها 00 يالله ياكافي

سجت مع الفكر تغريبه وتشريقه
حتى تعكر بعدها جوي الصافي

شيٍ حملته وشيٍ ما اقدر اطيقه
واطوف شيٍ وشيٍ صعب ينطافي

ماهو على شان شيٍ صعب تحقيقه
لكن من شان علم 00يبيح الخافي

إليا بغيت أكتب الابيات من شانك
أحروفي اللي بغيت أكتب تسابقني

وليا طرى إسمك على بالي وعنوانك
مشاعر الشوق لك قامت تعانقني