ديۉان الشآعر / مبآرک بن عيسى آل بن علي ..

السلآم عليکم ۉرحمة الله ۉبرکآته



ديۉان الشآعر / مبآرک بن عيسى آل بن علي

الدۉلة : مملکة البحرين ..

1- على اية حال :

على اية حال انا عايش
مع الاوجاع متعايش
تناسيتك ولانسيتك ولولا الشوق ماجيتك
صحيح ان الجروح جداد ولكن الخفوق اعتاد
على طيشك وتلوعيك
على كبرك وتجريحك
ولكني ابد والله ماني حمل توديعك
تعودتي على طيبي ووسعه صدري وليني
ادور للغياب اسباب
وادرو للغرور اعذور
تمادي وارضي غرورك
واروي بالضمى جورك
على اية حال انا احبك
على اية حال انا عايش

2- سالفه غير

ياصاحبي دور لنا سالفه غير
ولا انتهينا وكننا مابدينا
حنا العرب كل حكينا بالمدابير
كنا وفعلنا ولا رحنا وجينا
اليا اعتزينا نعتزي بالمسافير
واليا تفاخرنا نتفاخر بابينا
الغرب وصلو للقمر والتباشير
أنا نناقاش سيره الاولينا
واليوم جانا ظلمهم غاشم مغير
واحنا نتجرع ذلنا فارحينا
القدس طارت بكره بغداد بتطير
ولبنان بين وبين كنا نسينا
شوف الخرايط كل يوم بشكل غير
وبكره تضيق اكثر علينا وفينا
واحنا ورى الكرسي وجمع الدنانير
ياحيف للي من وراهم جنينا
بعنا الضماير والنتايج مخاسير
صرنا نتكبدها ونضحك علينا
دام المبادي كلبوها خبر خير
لاتنتظر الله في يوم(ن) يعينا
صدقني هذا الوضع يحتاج تغيير
اما بالسنا واما بيدينا
اللي سكت عن حق شيطان(ن) صغير
الموت واحد كلنا واردينا

3- ابتسم للقدر

ابتسم للقدر ولو يعقد حجاجه
دام مابه عزاوي وش تفيد الهقاوي ؟
كان مره صفالك لاتعكر مزاجه
سايره في نصيبك بين هاوي وغاوي
وشتسوي بحلم(ن) ماتعدى سياجه
كنه خطوه وعيت لاتسوق الخطاوي
التمني تعني لو تبدى سراجه
والحظيظ الي يسري ليله بقلب خاوي
صاحبي ماخذاه الوقت يصعب علاجه
مايرده طبيب ولا يرده مداوي
خلها لليالي لو خذت كل حاجه
دام مابه عزاوي ماتفيد الهقاوي

4- سولفي لي

سولفي لي,,,
سولفي لي والسهر في اوله ,,
الشتا يابنت ليله ماطوله,,,
ودي اسرح في عيونك,,,
وانجرف مابين محكاك وسكونك
واتعلم ليه كل العقل اشوفه في جنونك
سولفي لي واسمعي مني جديدي,,,
ياهوى مجمل سواليفي وقصيدي,,
من عرفتك وانتي حاجة كل حاجة,,
صرتي في ليلي سراجه ,,,
والفجر صرتي تباشير ابتهاجه ,,,
والمسا عندك مفاتيح انفراجه,,
صدقيني لوبودي ,,
ولوبودي ماغفيتي الا على صدر السحايب,,
ولوبودي ماصحيتي الا على صوت الهبايب,,
لوبودي ولو بودي ولوبودي,,
آه لكن ,,
لكن الحظ العقيم لو ملا هالجو غيم,,
ما معه زحة مطر تروي عطش كل الشجر,,
وش بأيده ؟؟,,
باقي(ن) لو تصفقه ريح القدر,,
مثل ما انا في غيابك ,,
تمشي الدينا وانا الي عند بابك ,,,
في غيابك ,,,
كن هالدنيا بلون ابيض واسود ,,
وكن هالضيقه غدت شي(ن) روتيني ,,
احتويها وتحتويني ,,
وشي بيديني والوصل ماحط ايدينه بيديني,,,
مابه الا ابتسامه باهته ,,,
ومابه الا نظرة(ن) تحمل معاني لنكسار,,,
اختصر لك في غيابك من انا؟,,,
كل تفاصيل العنا هذا انا هذا انا ,,

5- ليل القصيد

بين الصدر والعجز ياليل القصيد
ياكود تسري والشعر اهو الشعر
الضيق متوسد ضلوعي مايحيد
وشمه تناهيت(ن) توسم بالصدر
كن الهواجس كلها ضد وضديد
وكن الحكي يسلك طريق(ن) مختصر
واذا نشدوني عن جديدي لاجديد
من حطة ايده مرني سادس شهر
ماغير اكتب شاقني وارجع واعيد
من يوم روح والخبر نفس الخبر
لو كل نفس(ن) ادركت اللي تريد
ماضاع عمري عند بيبانه قهر
ياليل طول دام انا وسطك وحيد
ودي اهوجس لين يشكيني السهر
وابوح بللي للوصل ما مد ايد
غرو(ن) يمشي خافقه حسب الامر
لاجا يتمايل مالت غصون الجريد
كني بجديله لاهوى فوق الخصر
حوش على كل الحلا لي صار سيد
تتعقد حجاج الصبايا لين مر
وده يخش الزين لكن مايفيد
لان الغمامه ماخفت ضي القمر
ياحبني له لو بقى راسه عنيد
معذور وادري ماتعلم يعتذر
ياجعل عمر السعد في يومه مديد
وياجعل دربه دايم بثوب(ن) خضر
قولوله انه لو بقى عني بعيد
في وسط عيني وين مالد النظر
بصبر عسى بكره معه علم(ن) جديد
دام الفرج قد قيل مفتاحه صبر
ولا جديدي للاسف مابه قصيد
وان ردت تسري فالشعر اهو الشعر

6- فمان الله

فمان الله والفرقا تحراني على بابك
اشوف البعد في عينك ولا آشوف فاديك اسباب
على نفس الطريق الي سلكته يوم لي جابك
ابرحل واعتزي بالله يصبرني وانا المنصاب
تناسيني واذا باقي قصيد(ن) لي تغنى بك
اذا اشتقتي تلاقينه مع ورده بوسط كتاب
دخيلك وفري عذرك ولا آبي اسمع عتابك
وانا ماظن لي قدر(ن) تبقى له عذر وعتاب
تمايلتي على جرحي وانا اول من تمشى بك
تماديتي وانا احبك والبس كل خطاك ثياب
مريحة بال ماكني على بابك من اسبابك
حسبتك طفله لين اخطت اعدي وما احسب حساب
قبل ماتطيحي من عيني اذا كثر الخطا عابك
اغمضها على زولك واقول الله ياتواب
خطاي اني اذا اسرفتي في حالي ادفع حسابك
وخطاي اني صدوق النفس وادري عاشقي كذاب
وانا ماعاد فيني للسهر ,, والنوم باهدابك
متى ماردتي تنامي على جفونك يصك الباب
انا راحل وخليت الذي غيرك يهنى بك
ترى ماتنفعك نجمه في ليله بها القمر قد غاب
فمان الله والفرقا تحراني على بابك
اشوف البعد في عينك ولبيته بدون اسباب

7- هل الوقفات

البال رايق والشعر خير مجلاس
والصدر واسع والهوى داعبه ضيف
البنعلي فينا الشعر عرق دساس
فطره يجي بالكيف ويروح بالكيف
من ال عتبه في سليم(ن) لنا ساس
نرضع مراجل لين نفطم السيف
صغيرنا شهم(ن) وقرم(ن) ودرباس
وكبيرنا همه مثل شربة الكيف
وانا طموحي دوم ابي ارفع الراس
ياغير الاول مارتجي اي تصنيف
متوارث(ن) طبعي من جدود نوماس
بصماتهم بانت في كل المواقيف
تاريخنا بصدر الزمن عقد الماس
يلمع ولا اتضيرنا ظلمة الزيف
حنا هل الوقفات لا هجت الناس
مثل الهوى لاهب في حزة الصيف
افعالنا لاقولنا قد القياس
ولا الحكي لهل الحكي والتخاريف

8- درب المراجل

ماهمني قايل ولاهمني قال
ولاهمني حتى الي انته تقوله
قرم(ن) ولي بين المناعير منزال
مبطي ولا انته ومثلك ينوله
وهبة هوى ماهي تاثر فالجبال
والحر شامخ لويحومون حوله
وقد قالها بين الرجاجيل رجال
لازم تعيب في الذي ماتطوله
عرفت دنيا وانت تلعب بالرمال
من يومها وانا في صوله وجوله
رجل(ن) كثير اقوال من غير افعال
ورجل(ن) كلامه مايكفي فعوله
ورجل(ن) تسوقه بنت وتذله اذلال
ورجل(ن) قبيله ماتغير ميوله
لان المراجل مو بغتره ولا عقال
والا بشنب لو وصله لي رجوله
المرجله بافعال مع شيلة ثقال
في كل موقف لين دقة طبوله
انا على مثلك ترى رجومي طوال
غيرك بغى يوصل وتعبت خيوله
وانته على ماقيل يا نص رجال
مو كل من غنى طرب صفقوله
عقلك ترى حده على لعب العيال
ودرب المراجل .. والله ماجيت حوله

9- ليل وسهر

ليل وسهر ,,,
واقلام واوراق وقمر,,,
بس الشعر وين الشعر؟؟,,,
ليل وسهر,,,
اشتاق مع هبة هوى وابكي مع زخة مطر,,,
واسمع سواليف البشر واسرح مع عود ونغم,,,
بس الشعر وين الشعر؟؟
ليل وسهر,,,
بين المواني والموادع ,,,
والوحشه في ليل الشوارع,,,
والضيق في كل الاماكن,,,,
اجمع عنا كل المواجع,,,
بس الشعر وين الشعر؟؟
ليل وسهر,,,
تعبت ادور عن معاني للرسايل,,,
ولا الاقي بسمتي بين الهدايا,,,
تعالي لميهم مع باقي الصور,,,
ورجعي حس الشعر,,,

10- سيد الورد

لاهنت يلي تقطف الورد بيديك
حاسب علي يديك من غيرة الورد
اصبحك بالخير مدري امسيك
وجهك صباح وفوقه الليل ممتد
اشر وشوف الشمس عجلة تلبيك
وان رادت تغيض القمر فيك تعتد
ولا المرايا يوم عجزت تجاريك
ياضيقت(ن) في صدرها مالها حد
المس غرور الشعر لي مر طاريك
كن السهر يقول ياهاجسه مد
اكبر تحدي للغزل لانكتب فيك
واكبر خساره لكتبوا غيرك الرد
بالمختصر كن الحسن شي يعنيك
والا الصبايا ذكرهم تكملة عد
يالعنبو حظ(ن) قصر دون ماجيك
من يوم زولك عن مدى ناظري شد
قناعتي كانت حلومك تعنيك
واصبحت اؤمن بالفناجيل والنرد
مبادئي غيرتها لجل ارضيك
هذي حقيقه قلتها ان جات للجد
تعال فك ابواب ملت تناديك
ضيعت مفتاح الفرج ليلة البرد
تعال لم الشوق خلف الشبابيك
ابطيت اجامل عاذلي مغير السرد
علمتني فرق البشر ذي وهذيك
وشلون خلق الله مايسوون لي فرد
هذي قصيده لاعجزت لاتوفيك
انسى الحكي كله وهوز وابجد
باقول لك حاجه وبقفي واخليك
وش لك بهالوردات ياسيد الورد ؟

~ .. ~ .. ~ .. ~

مع التحيآت اخۉکم / جراح بن عبدالله آل بن علي ..