اذا غرزت في نفود أو شعيب وصار واحد من كفرات السيارة يدور والثاني ثابت وش تسوي

السلام عليكم ورحمه الله وبركاته

يسولف علينا واحد من الزملاء ويقول انه كان معه جمس ونيت ومغرز بشعيب حول ديرتهم ، المهم ما تركوا أي طريقة علشان يطلعون السيارة الا سووها واخر شي شافتهم حرمة كبيرة معها ونيت والظاهر انها ( بدوية ) ونعم فيها من حرمة وقالت لهم ما قدرتوا تطلعون السيارة وانت ثلاثة رجاجيل ابعدوا عن السيارة ( تبي تطلع السيارة ) المهم وشلون قدرت هالحرمة تطلع السيارة هنا السر ؟ اعلمكم وشلون قامت وجابت الحديدة الطويلة حقت العفريتة الموجودة في الددسن أو الهايلكس اللي معها ودخلت الحديدة في وحدة من فتحات الجنط ( في الكفر اللي يدور بوش ) وطلعتها مع الجهة الثانية وقامت وعشقت الموتر حتى وقفت الحديدة ( دقرت ) في الشاص أو السست ومسكت الحديدة الكفر ومنعته من الدوران وعلى طول دار الكفر الثاني اللي ما تحرك من يوم غرز الموتر ، وبكذا طلعت موترهم وهم مستغربين من هالحرمة وخذوها درس ، ونصيحه اللي يبي يطلع للبر والنفود والشعبان قبل ما ياخذ العزبة وفراش النوم ياخذ الحديدة معه .

وسلامتكم

منقووول

مشكوووور أخوي السمو الملكي على هالسالفة المفيدة والله لا يحطني بها الموقف

تحيااااااتي

هههههههههههه


عزا الله تلقى الرياجيل مالهم وجه هههههههه


يعطيك الف الف الف عافية على النقل الحلو



تحيااااااااتي واشواقي

بيض الله وجهها والله انه بنت رجل

ومشكور علي المعلومه اخوي

والله شي



عز الله ذكروني بقصة فيلم ((دريد لحام)) السوري وكان اسمه بذاك الفيلم ((عبدالودود))



يومه بنشر وجلس يتنهد على الكفر عجز يفكه وشوي نزلت البنت اللي راكبه معه وقالت له


شوو إنت متجوز قال...لا .............. قالت يخيبة الرجالة أجل وين حيلكــــــــ....!


وقامت وفكت الكفر له



الفرق بين ذاك الفيلم وهذه السالفة يمكنـــ إن الفيلم تمثيل وهذا حقيقة


ياما وياما فيه رياجيل والله بس معروف بثوبه وأسمه فقط لا غير



السمو الملكي
شكرًا على هذه القصة المرحة