الشعر

المعرفه قوت العقل والشعر فن من الفنون
والتجربه برهان لو جات النتجيه مؤلمه

الشاعر اللي يكتب أغراض الشعر في كل لون
يقدر يسوي من حثيثات التجارب ملحمه

لله در اللي نثر شعره مثل غر المزون
اليا كتب سوى شغب بين الحروف المبهمه

اسمع مثل خطوه ما بين العبقريه والجنون
اما تجي مجنون والا عبقري لك ملهمه

الشعر له شعار في كل المدآن هائمون
يقولون مالا يفعلون قول ربي ما عظمه

وانا كتبت الشعر من صدق المشاعر والشجون
شيئ بدأ في خاطري قبل يغدي اترجمه

ولا هانو اللي من صواديف التجارب يكتبون
شعار والشعار كلن له صفات وله سمه

شاعر يحلل جابته تحليل بابدع ما يكون
للازم يفقد كلمته قدام تطلع من فمه

وشاعر يجي متميلح يغني على كل الحون
صوته شجي يعجبك في شعره وفي خفة دمه

وشاعر قبيله لا وقف شجيع عند المكرفون
الشعر وحروف الشعر مثل الرصاص بمحزمه

وشاعر حكيم بحكمته ما تختلف فيه الظنون
الشعر وحروف القوافي عقد لؤلؤ ينظمه

وشاعر يصوغ المدح في نفسه وتضحكله سنون
شجيع في وقت السعه لكن بالفعل رخمه

شمات متغطرس يبي يضحك على كل الدقون
ما يدري ان اهل الشكاله من مديحه تشتمه

هذا واانتم يا جماهير الشعر قومن غاوون
ما عدكم ياكم وكم مسلم وكم من مسلمه