ديوان عبدالرحمن العطاوي

إذا لم يكن لك صديق إلا الوحدة فأنت تعاني ...

وإذا لم تعرف من الحب إلا الشوق فأنت تعاني أكثر ..

وإذا تعاضدت ضدك الوحدة والشوق فأنت المعاناة بذاتها ..

ظــــلام وبـــــرد ونـــــارن مـاتـدفـيـنـي

وقـلـبـن بـــه مـشـاعـر حـيــل عطـشـانـه

عجزت ادفـى واسكّـن رعشـة يدينـي

اشــب الـضـو واحــس الـنــار بـردانــه

رحمنـي طيـف خلـي والتفـت فيـنـي

دعـانـي لـلـدفـا فـــي جـنــة احـضـانـه

قبـل لا اقـوم وقـبـل ادفــاه يحويـنـي

نـسـيــت الــبــرد ورجـفـاتــه ونـيــرانــه

قـبـل لا اقــوم قـــام الـحـلـم يغـريـنـي

سقيـت احـلام كـانـت حـيـل ذبـلانـه

وجيت اقوم وغاب الطيف عن عيني

ومــات الحـلـم وهـــو مـافـتّـح اعـيـانـه

وطــاح الـدمـع وطـفّـا نـــار تضـويـنـي

وشـبــت نـــار فــــي قـلـبــي وشـريـانــه

ابــي لحـظـه دفــا وحـــده وتكفـيـنـي

ابـــي لـمـسـت وفـــا بـيـديـن ولـهـانــه

ظــــلام وبـــــرد ونـــــارن مـاتـدفـيـنـي

ولا قـلـبــن بــــه الاشــــواق عـطـشـانـه

أَبْيَاتٌ صَاغَتْهَا لَحْظَةُ خَوْفٍ ..
أَرْجُوْ أَنْ تُلَامِسَ شَغَائِفَ قُلُوبِكُم ..

[poem=font="traditional arabic,7,red,normal,normal" bkcolor="white" bkimage="" border="none,4," type=2 line=1 align=center use=ex num="0,black""]
الوقت يمضي والبشر لاهين والقبر محفور=والادمي يخشى سهام الموت فجأة تفجعه
يخشى يجيله يوم يصبح في دهاليز القبور=ابلا جليس ولا ونيس ولا صديق ينفعه
ابيذكر اللي قد مضى له في قديمات العصور=ياحسرته يبكي على اللي في حياته ضيّعه
يالادمي ليتك تفكر في خواتيم الامور=حذراك يوم الروح تخرج من جسدك مودّعة
يوم الوداع اليا وقع منته على وقعه صبور=يوم الوداع ليا وقع منته بقادر تمنعه
يوم الوداع يبور ذاك اللي تحسبه مايبور=المال والبيت المشيد والسعادة والسّعة
حتى عيالك لو بكوك ايام وليال وشهور=ينسونك وثم ياخذون اللي تعبت تجمّعه
الموت يعلن عن نهاية متعة الدنيا الغرور=الموت يعلن عن بداية للحياة المفزعة
والآخرة دار الخلود وهذي الدنيا مرور=كلن حصاده حسب ما كان بحياته يزرعه
[/poem]

والله ان الشوق نارن بالحشا
*******************من لهبها كل ما بالجوف ذاب
واعذاب اللي على جمره مشا
*******************اشهد انه من عذابن في عذاب
ماتذوق النوم عينه لا حشا
*******************وان غفى صحاه كابوس الغياب
وان كتم شوقه وسط صدره فشا
*******************يفضحه دمعن مثل هل السحاب

يالله طلبتك يا إله الكون يارب البشر


ياخالق الانسان من نطفه مدني قدرها



ياسامع النجوى وياعالم بخلجات الصدر


يامنزل الفرقان فيه آيات محكم ذكرها



اغفر دنوبي ياإلهي مالي الغيرك مفر


واستر عيوبي لو عيوبي فالملا وش كثرها



وارحمني فالدنيا وفي يوم الحساب وفالقبر


واغدق علي من النعم والهمني واجب شكرها



وارفع مقامي بين خلقك يالعزير المقتدر


وابعد خطى اقدامي عن دروب الرذايل واسرها



يالله وانصر دينك اللي حاربوه اهل الكفر


واجعل بمكرك كل سهمن للعدا في نحرها



ياالله وانصرها مثل نصرك نبيك في بدر


هذي امة خير خلقك لاتأخر نصرها



هذا الدعاء وانته تجيب اللي دعا سر وجهر


انته ملاذ الخلق في عسر الامور ويسرها

أواه يادنيا دنيّة حقيرة
******÷÷÷÷**وأواه يادنيا كثيرن نغصها
من هولها صاب اهل الالباب حيره
******÷÷** ياما وياما حيرتنا قصصها
تبدي كما بنت الدلال الصغيره
******÷÷÷÷**تظهر محاسنها وتخفي برصها
يجهل مكايدها قصير البصيرة
************تخفي شركها وتحين فرصها
الجاهل اللي كل فتنة ثثيرة
***********يغمزلها بعيونه اللي شخصها
يرقص على حد السيوف الشطيره
************أدمت قدمه الرقص اللي رقصها
والعاقل اللي يفهم دروس غيره
************والفرصه اللي جاتله يقتنصها
يعرف طريقه قبل يبدا مسيره
***********مايتبع الا جرة قد فحصها
ياللي تبعت العاجلة والقصيرة
*********اللي تبعها تسجنه في قفصها
تلقى السعادة بالحياة الاخيره
************في جنة مافيه خير نقصها

من ملامح غادتي تستجدي الغيمه مطر
والندى يستجدي اوصاف الطهر من طهرها
,,,,,,,
من رذايذ عطرها تستنشق الوردة عطر
والعسل مابه حلا .. لولا حلاوة ثغرها
,,,,,,,
خدها ينشر خيوط النور في وقت الفجر
والمسا وقته ليا مالت خصايل شعرها
,,,,,,,
خصرها خلى غصون الخيزرانه تنبهر
قلدتها الخيزرانه في تمايل خصرها
,,,,,,,
صمتها كنه سكون الليل ورْكود البحر
ضحكة شفاها سحر .. ياكم أسرني سحرها
,,,,,,,
حكيها لا من تهادى من شفايفها خمر
آه ياخمر الحكي ... ياكم سكرت بخمرها
,,,,,,,
غادتي فيها النباهة والبراءة والطهر
طفلةن في قلبها ... وبعقلها ياكبرها
,,,,,,,
في ملامح غادتي كل القصايد تعتذر
تعتذر في وصفها وآنا قبلت بعذرها
ــــــــــــــــــــــــــــــــــــــــــــ

الا يالحظةالتوبه ,,,,,, انا اللي ضيع دروبه ,,,,,,وانا اللي كثرت ذنوبه
انا المدمن على الزلات
انا المسرف انا التايه ,,,,,,انا العابث بلا غاية ,,,,,,انا اللي ما قرا آيه
انا الغافل عن الطاعات
انا العايد انا الندمان ,,,,,,انا التايب عن العصيان ,,,,,,انا اللي يرجي الرحمن
يسامحني على اللي فات
انا الواقف على بابه ,,,,,,انا الخايف من عقابه ,,,,,,انا اللي صارت اهدابه
سحابه تمطره حسرات
رجيتك ياكريم الجود ,,,,,,ليا صرنا طعام الدود ,,,,,,والا صار الدعا مردود
تحيل قبورنا جنات

هذاك " ابن مخضور " من قدة

نثرت البارحة دمعي على شاطي بحر جدة
سألني موجه العاتي علام الدمع ثجاجي


أنا يابحر ذاك اللي بنى من عزته سده
ولكن يابحر عندك تهدم سدي العاجي


انا حاولت اكف الدمع وسط العين وارده
ولكن يابحر جرحي عطيب وماله علاجي


شقايه يابحر مثلك بحر في ملحه ومده
واذا هبت رياح الوقت هاجت كل الامواجي


مجاديف الأمل غرقت ولا في قاربي عده
ومن غرقت مجاديفه ماظن من الغرق ناجي


رغم إن الحزن فيني وصل لآخر مدى حده
يحسبون البشر بان السعادة جوهرة تاجي


يقول اهل الحسد هذاك " ابن مخضور من قدة "
هني البال مستانس سعيد الحظ سجاجي


امثل دور مستانس وانا في داخلي شدة
ربيع الراحه بوجهي وجمر الصدر وهاجي


لجل ماشوف خلي نازلن دمعه على خده
أجامل ضحكته واضحك لعله يشعل سراجي


لجل ما يفرح اعدائي أداري عنهم السده
واسل الضحك من غمد الشفايف وارفع حجاجي


على متني اشيل جبال لو اقواي منهده
اشيل الحمل بلحالي كذا طبعي ومنهاجي


كذا يالساحل الغربي سنيني عوج من مدة
ولاتسأل تحسب انك تعدل جذع منعاجي