الله من قلبن عضالٍ مصايبه

سلام عليكم

اطرح لكم جديدي المتواضع ..

تطرقت للبحر الهلالي لاوّل مره .

واتقبل جميع الارآء خصوصاّ في اجادة الطرق .

[poem=font=",5,black,bold,normal" bkcolor="transparent" bkimage="" border="groove,4,skyblue" type=1 line=1 align=center use=ex num="0,black""]
الله من قلبن عضالٍ مصايبه = جاير جهدها قام يقفل حضايبه
متبيناتٍ نوب واحيان خافيه = واحيان مثل اللي عن الوعي غايبه
متورسله قلبي همومٍ ترادفت = والمشكله شاني يا مكثر نوايبه
وشلون يا بنت الترف ما ترافينه = روفي بقلبن ماش غيرك حبايبه
لا تلحقينه همّ فوق الهموم اللي = برياحها توقد لظايا شبايبه
ضميه ضمةّ طفل ما عاد يرتجي = غير القلوب اللي تخفّف لهايبه
طفلٍ صغير وتوّ واعي على الدنى = يتيم بلحاله وقشرٍ قرايبه
ولاّ تعالي لين يغفى بنومته = واخذيه لغيومك ورشّي ترايبه
لا بالله الا خيّلي في مراتعه = همّال حبك لا توّقف سحايبه
انتي ضماد جروح قلبي وبلسمه = وانتي بلطف القول يمكن عطايبه
وانتي حنانه لا تضايق بكربته = بعد الاله اللي يفرّج كرايبه
اصفي له بروحك وصافي مشاعره= صافي محبّه لا تدّور شوايبه
يحّق لك فيه التفاخر وباهي به = خلّ التباهي للعواذل صوايبه
يعشّقك قلبن لو يكثّر تذمرّه = برهانه انه ماش غيرك حبايبه [/poem]

الله عليك ياشاعرنا
قصيده رائعه بكل معنى سكن بينها
اهنيك علي هذا الاحساس الرائع الذي تمتلكه
صح لسانك مليون ولايكفون
ولاهنت علي هالابيات المميزه في معانيها
راقت لي كثيرا
شكرا لك
تحياتي

\7

الله الله الله

رائع ايها الشاعر والمنشد عبدالاله الحجيري

طرقت الهلالي وابدعت بما تحمل كلمة أبداع من معنى

أهنئك على هذا النص الشامخ والمترف

نص يحمل بين طياتها كثير من المفردات البديعة والجميله

تقبل مروري وتقديري واحترامي

صحت ابدانكم جميعا

ولا هنتوا على المرور

عسساكم فالوجود

الاخ الشاعر والمنشد\ عبدالاله الحجيري




صح لسانك على هذا النص الجميل بما يحمله

من صور شعريه وابداع وتمكن

سلمت وسلم منطوقك

ننتظر ابداعاتك شاعرنا

وتواجدك هنا يسعدنا

الاخ والشـــــــــاعر والمنشد عبدالاله الحجيري
صح الســـــــانك وبيض الله وجهك على هاذي
القصيده الجميله أخوك الشاعر/فيصل الجبرتي
تقبـــــــــــــــــــــــــــــــــل مروري وتقديري

شاعرنا المبدع والمنشد الممتع / عبد الإله الحجيري

صح لسانك وسلم بنانك والطيب والتميز طبعك وعنوانك

قصيدة من روائع القصائد من حيث الصور البلاغية والمحسنات البديعية

وتسلسل الأفكار والتشبيه والأسلوب . وهذا غير مستغرب على شاعر متكن مثلك

وبالنسبة للطرق الهلالي فمعظم الأبيات غايه في الروعة . فالك التوفيق

دمت بكل الحب في حفظ الرحمن

تسلم يمينك طال عمرك


وصح لسانك مليووووووووون


متألق دائما يا شاعرنا المبدع

وفقك الله واسعدك في الدارين

ياااسلام عليك يا عبدالاله

مبدع مبدع طال عمرررك

الله يزيدك من فضله

اميييين

احترامي وتقديري لك شاعرنا