صيد الجواهر

[frame="13 80"]

صيد الجواهر

صيـــد الجـــواهر تزاحمنا علشانــه
كلٍ يبا الغاليه بالســعر واعتقها

والبــحــر غـــدار والميدان ميدانـــه
يا كثــر ماقفى بنــاس ونــاس فرقـهاـ

ما كل من جـــاه اخــذ لؤله ومرجانه
ولا كل مـــن يطـرد الاحـلام حـقـقـها

والرجل بين العرب مرهون بلسانه
والكلـمة اذا نـطـقـها صـعب يلحقهـا

اعجب لمن يطلق حصانه ولا صانه
وأعجب لمن جاب له كذبة وصدقها

وأهل البلاغة تعرف الشعر وأوزانــه
والرجل يسمع هل الحكمة ومنطقها

والشعر معروف له ناسه وفرسانــه
تعرف خطوطه وأشارتها ومفرقها

واليــوم كثــرت شــبابيكه وبيـبانــه !!!
كم من صحيفة وكم جلسة وكم مقهى

احدٍ يغنيــه لأجل عيـــون عمانـــه
واحـــدٍ معانيــه غربــها وشرقــها

جـمّـع هـجـوسه وقسّمـــها بميـزانــه
ولا ادري على ايا بحور الشعر نمّقها

واكبر جريمــة بحــق الشعر والحانــــه
قصـــايد النـــاس عـدلــها ولصــقهـــا

ويقــول جاتــه عفــاريته وشيطانـــه
أهمها في مجال الشعر واسبقها

جابــت لـــه ابيــات محبوكـــة ورنانــه
وانــشــا قصيـــدة ورتبها وعمّـقها

وأختارها للعرب في صدر ديوانه
واثنى عليـها ومجـدهـا وعلقهـا



[/frame]