#1
|
||||
|
||||
معلقة مشايخ قبيلة بني سـلـيـم
هذه القصيدة
مهداه إلي عزوتي وتاج راسي مشايخ و قبائل بني سليم الكرام [poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"] سلام يا شيخ الوفا والجميلة = عن ربعك السلمان شلت الثقيلة وسليم تشهد لك قبيلة قبيلة = كلاً يقول الله يعنيه ويجزاه عن اللزوم الغاصبة ماتذريت = عديت في رأس الطويله وناديت واخذت مع مثلك بالأشوار وأعطيت= واللي تحدى جاه فارس تحداه رفعت عنهم علم بالحيل طافح = والرجل لازم في لزومه يكافح والفوز من بعده يصير المصافح = اكبر شرف فارس لنا لاعدمناه بأسباب فارس جت مكارم كثيرة = واليومه التعليم في كل ديره جاب الأمر من عند صقر الجزيرة= يالله عسى في جنة الخلد مثواه وحسين إبن هندي زعيم وتجمل= في رفعة السلمان ياكم تحمل أنا اشهد انه في المواجيب كمل = مديح أبو راشد وحنا مدحناه والعلم ما يقصر على ابن حضيض =في لازمه همام ما هو بريض وإن جاء له المهموم صدره تهيض=شيخ على زين السجايا عرفناه وشيخنا الشيخ العطاوي ضبيان =ذرف اليمين وشيخ ذرفين الأيمان مع القبيلة طيب الذكر قرحان= صايم مصلي دوم يضحك محياه ابن سعيد عز من ينتمي له =في هرجته تلقى العلوم الجزيلة رجال عرّف ومن بيوت ضليله = يا لله ياربي تحفظه وترعاه والقايدي شيخ الوفا جيد الساس = رجال ما مثله ويرفع به الرأس ياربنا عساه يسلم من البأس=يسلم صدوف الباس مثله وشرواه ونمر بالتكريم للشيخ لافي= وابن جفين اللي ربعه لحافي والعيدي اللي في الموقف يشافي=بأسباب حكمتهم هدفنا وصلناه وابن وخيضر صقر والشيخ ساعد =وسعيد ابن مغلي وسيع البنايد شيخ لياجات الصعيبات قايد = عد الرها من طيب جمة وردناه مرحوم يا قاضي سليم الأميني= وابن بتيع شيخ درف اليميني والله يديم الصادري والأذيني= وإبن العبيدي من شيوخ مسماه وشيخ الرزم معروف وابن شعيفان= وعبدالعزيز وثابت ابن خبيتان وابن اللهاوي مشبِع السيف شامان= والثابتي وابن الربيقي يا نعماه وابن معيوض يكرم اللي يضيفه= كريم والفقري ربيعه وريفه ووصل الله المعروف جده خليفه= واللي حضر ياخذ من الطيب مجزاه وسعدي طويل ذراع راعي شدادي= والسالمي عواض والشيخ هادي ورويبح وعابد لانادى المنادي=وابو عطيه من بيوت مبناه نفيع ابن نفاع عطيب الصوابي = وبدري وإبن راشد عزيز الجنابي ودهيكل المذكور وإبن احبابي= تاريخهم حاضر وماضي قريناه وجابر ولد صالح بعيد المرامي= وابن رجاء الله ما يهاب الزحامي وابن القويعي لا احتزم با لحزامي= يثبت على الميقاف والعلم يحماه وابن زعل من كاسبين الجميلي= وحميد اللي ما يغر الدليلي ونامي نعرفه سيف ما هو كليلي=والشيخ نجم الاسم لايق ويزهاه والرزقي والصابري وابن مصحي = وابن جبر ممدوح من غير مدحي وابن الحمودي شيخ مافي قدحي= الكل منهم يوصل العلم منهاه وابن عريمط من رجال المواقيف = ونقول وانعم يا شيوخ العطاطيف والمرشدي لعداه ماهو على الكيف = ومعيوض اللي في المواقيف تلقاه وعبدالعزيز ابن حضيض وعامر= وابن بلال جري ياطا المخاطر وابن اللبيني شيخ ماضي وحاظر= وابن رشيد يكرم الضيف لاجاه وابن حنيتم فا لمواقيف ذيبي= والهّيني وانعم وحامد مثيبي وابن القزيعي لااعتزى للحريبي= يقضي على خصمه بضربة بيمناه وانعم خلف متعب لاجات اللزومي= لو انها في الليل الأظلم يقومي ولويفي اللي في المواقف عزومي=وابن المثيلي جيد الساس مبناه وعبدالله الذوادي اللي تعرفون=عرف وسطاوة حق والطيب مضمون ودرويش للعصوان شيخٍ ومأمون= واللي يجيب العلم لابد ودّاه والشيخ صاحي طول الله لياله=يا لله عسى التوفيق والطيب فاله والله يبارك في رجال الجماله= هذا كلام الصدق ما به مراياه معروف بدر وصالح ابن نعيمان= وحميد ابن مسفر رفيق ابن عفنان وابن المويسي زند يقدح بصوان= والنعم با لسلمان في كل مجهاه وسعيد ابن سالم زبون المهمات =يا قف لها ميقاف في كل الأوقات وابن العلياني لجات الصعيبات = يا قف لها في الدرب محدٍ يتعداه وراضي ابن نامي يانعمين نعمين =ومسيعد اللي كامل العقل والدين وحمود وعبدالله زعيم الضباعين = وعويضه اللي يربك الخصم مبداه وحويميد اللي يكرم الضيف والجار= والقرين محمد الطيب البار ويعيش ابن عشاي لاشبت النار = وحمد محمد محترم لاعدمناه وانعم سعد صياح ذرف اليمينا = وانعم بربعه زعب منا وفينا منا وفينا من قديم السنينا=رفيقنا لو شد وابعد ما ننساه وان كان جاء تقصير ما هو بمقصود= حنا بذلنا للوفا كل مجهود والمجتهد ضنيت ما هو بمنقود= والمعذرة لن بقى احد ما ذكرناه من سابق وحاضر رجال الفعايل= يشهد بوقفتنا جميع القبايل رجال ما نرضى على الحمل مايل = بشيوخنا حنا علمنا رفعناه حنا سليم مرجحين الموازين= يشهد لنا الخندق والأحزاب وحنين حاضر وماضي في المواقف سلاطين = ازبن على السلمان والحق تلقاه يشهدنا لنا التاريخ ما هو جحودي=ويشهد نبيه والصحابه شهودي في فتح مكة يوم قدح الزنودي =الف فارس من سليم المسماه هذا كلام من العطاوي بدأ به = بمناسبة تكريم راع المهابة ليا حظر دايــــم يغلق منابـه= أبيات في أصحاب السعادة منقاة وختامها صلوا على راع طيبة= المصطفى اللي كلنا نقتدي به شفيعنا يوم الظروف العصيبة =نهار صعبه فيه حتى المناجاة[/poem] ______________________________________________ للشـــاعر / محمد العطاوي (25/شوال/1428هجرية) التعديل الأخير تم بواسطة محمد العطاوي ; 11-14-2007 الساعة 09:45 AM |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|