يا جابر .. لاسايه ولا وادي وبح!

#1 01-13-2009, 04:49 PM

مرحبا يا جابر

متابعه ورد فالابيات التي خصيتني بها ..

[poem=font="simplified arabic,5,red,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
بيت السماء من تحت سقفه تحوم الحرار=والحر يفرد جناحه فالسماء لاسبح
يقطع مسافات ويبدل بداره .. ديّار=واليا لحقه المساء مسّاء وأن اصبح صبح
يا جابر السالفه في ليل والا نهار=الاجمل اللي ( جمل ) والاقبح اللي قبح
اصبر وما صبرك الا عن حروب الفجار=النفس وثق رسنها يا بعيد الشبح
ما يقلط الا كريمٍ من طوال العمار=وما يطرد الا ضعيفٍ ما نعده ربح!
الصدر مابه صبر والعين تقدح شرار=يا جابر المشكله في حبل صوت الابح
اللي من اعوام في حلق القبيله زرار=ان قام والا قعد لابد ما ينكبح
انته تحسبه جمل .. حنا نعرفه حوار=والمازدا مازدا ماهي بمثل الشبح
الناس ما سرّها والوضع ماهو بسّار=ناسٍ تشيل العصي ناسٍ تشيل السبح
واللي حصل من خطاء يكفّه الاعتذار=على الطرفين من سايه ووادي وبح![/poem]

وسلامتكـ/م ،،

#2 01-13-2009, 05:02 PM

بيض الله وجهك يامشخص قصيده اكبر من جزله

صح لسانك ياابن العم ولاهان منطوقك
لك كل الشكر والتقدير

#3 01-13-2009, 05:10 PM

ابراهيم النقريني

مرحبابك يا صقر النوادر والله لايهينك على مرورك العذب

صح بدنك ووجهك ابيض يا ابوخليل ،،

محبه وتحيه لجنابك ،،

#4 01-13-2009, 05:11 PM

رد ومتابعه جيده

صح لسااانك ملاااااايين

ابيااات مليئه بالوصف والجزاااله

ولا تحرمنا من جديدك

وتقبل مروري

...................؟

#5 01-13-2009, 05:23 PM

\7

#6 01-13-2009, 05:59 PM

ماشالله وصح اللسانك يامشخص

رد جميل ووافي

ورديه بصراحه اعجبتني ومعنى غامض

سجل اعجابي واحترامي

علي الزعبي

#7 01-13-2009, 07:17 PM

صح لسانك يا مشخص

جزاله من أهل الجزاله

نقض و فتل محكم

جابر... مشخص

لا عدمناكم

#8 01-14-2009, 12:32 AM

وأنا لي الحق بأن أفخر بأني من سليم قبيلة المجد والشعر

لايقارعكم مقارع في الشعر يابني سليم

أبدعت يامشخص

#9 01-14-2009, 12:44 AM

بيض الله وجيهكم

انتم شعراء ولاهي غريبه عليكم

تقبلوا تحياتي وتقدير لكم

#10 01-14-2009, 06:42 AM

\7

تسجيل دخول