قصيدة الذيب

قصيدة الشاعر بدر الخالدي

(الذيب)

[poem=font=",6,blue,normal,normal" bkcolor="transparent" bkimage="" border="double,4," type=1 line=0 align=center use=ex num="0,black""]
البارحه والجوع مس الذيب يـوم انـه يعـوي=علـى سنـام طويـق والقمـره وراه بليتـهـا
اخايلـه واقـول واعـزي لحـالـك يالـقـوي=اللي تنقى في سمـان الفطـح لا مـن جيتهـا
واللي باساميك يتقلدهـا الخـوي مـع الخـوي=والعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي=والوجبـه الحيـه تعشاهـا وتتـرك ميتـهـا
الجوع لو يدفعـك للمـوت الذحـاح المستـوي=حشمت نفسك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي=وخطاك من دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي=مـا بيـن مرحـان الشواويـه ليـا عشيتهـا
يا موجل(ن) قلب حضري يا موجل(ن) قلب بدوي=ياللـي تشيّـم خـوة الرجليـه ان خاويتـهـا
عامل خوي الذيب في عصر الفـوات المنطـوي=وقصتك فـآذان العـرب واليـا طـرت لبيتهـا
نحر ذلول(ن) من وصايفهـا شحمهـا مرتـوي=لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كـوي=على غشاش الكبـد والخطـوه عمـد رديتهـا
مدري غبى مدري ذكى مدري تسرع فوضـوي=لكن خطواتي علـى الهيبـه مـا قـد ضريتهـا
ياذيب عزك في زمان السيف من قبـل يهـوي=وقبـل زمـان العولمـه للنـاس وآتيكيتـهـا
وقبل يغيب المنطق الحسـي ويبقـى المعنـوي=والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلتـوي=والناس تمشي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي=والهاشميـه فـي طـرف عينـي ولا دنيتـهـا
لا جيث ابرثي حالتـك ضـاع الكـلام اللغـوي=والمفـردات اللـي تجملنـي لـيـا عديتـهـا
والهاجس اللي كل مـا فليـت حويـه ينحـوي=وافكـاري اللـي تتعـب الخافـق ليـا هليتهـا
واخـاف لا تكمـل وينحـاك النزيـف الدمـوي=وابقى علـى قـول المثـل خميتهـا واخطيتهـا
ياذيب واقنب خـل صوتـك يـدوي العالـم دوي=مـادام خانتـك الظـروف الله يخـرب بيتـهـا
[/poem]

مما راق لي

لي اخ في المرحلة الثنوية دائماً يردد هذه القصيدة

للأمانة رائعه ومتميزة ..

ذوق عالي يا عبدالعزيز ...


سلمت يمينك على النقل الرائع

مما راق لك ولنا معك
تستحق الشكر
تحياتي

فهد العبيدي

الروعه والتميز في مرورك الجميل

وجعلك سالم ياغالي

كل الشكر

الاخ عبدالعزيز البارودي

الله الله
على النص الشامخ

ابداع وروعه حضور

وذائقه مميزه

لآعدمنآك

الاخ العزيز عبد العزيز البارودي
يسلم ذوقك ياغالي
اختيار رائع الله يعطيك العافية
تقبل مروري

سيف الكامل

كل الشكر يا غالي على المرور الجميل

لا عدمتك

الأخت .. شيهآنه

الأروع مرورك الجميل

كل الشكر

لا عدمتك

الأخ .. عبدالله العطافي

يعطيك ألف عافيه على المرور الجميل

لا عدمت وجودك

كل الشكر