النشاما

السلام عليكم ورحمة الله وبركاته
متواضعه اخرى نضعها بين أيديكم عسى تنال إعجابكم

يقولها اللي خاض كل التجاريب- اللي بيوته فالنشاما نظمها

أهل الوفاء والطيب مدهال للطيب- قروم الرجال اللي تشيم بهممها

أفعالهم تنشاف طيب الهناديب- وإن عودة للزود زايد كرمها

للظيف والطرقي كبار المعازيب- ولو كان ماجالستها تحترمها

الله نقاها من ذروب العذاريب- ماتبيع في سوق الرخايص ذممها

لإجل الرفاقه يرخصن المطالبيب- والمرجله والطيب تمشي بدمها

اللي علاقتهم مع الطيب تطيب- ووقت المعارك لاتقرب وحمها

ماتارد الا طيبات المشاريب- ولا جا مداحم تدحم اللي دحمها

تشرب قراح ولا تميل الخثاريب- ولاحدٍ عن العد الرهاوي لطمها

منصبه في عاليات المناصيب- لاطاحت الأعلام ترفع علمها

ومن كل سوق تجيب منه المكاسيب- ماتنهزم بالهون ولاحدٍ هزمها

ف مقابل الضيفان تلقى التراحيب- عسى الردي اللي شحيح يعدمها

واللي رباء فالطيب يبقى على الطيب - حيث إن أبوه وجده اللي رسمها

وياشين هذا الوقت وقت التغاريب- تال الزمن بقعها تكشر بفمها

جتنا الفتن من كل صوب جحاليب- وأبو فهد بالعزم راسه عصمها

لكن خوفي من قصار العراقيب- اللي مثل سود الليالي غممها

اللي تخفى ماتجي فالمراقيب - ياجعل دمها ينقطع عن لحمها
نفاع الربيقي

من راس ابوه وجده اللي رسمها

الف مليون. صح لسانك. رايعة وراقية وجزالة غير. مستغربة على مثلك

ابدعت واتقنت وبيض الله وجهك على هذه الرائعة التي رسمتها

تقبل ممروي وتقديري

صح لسانك مبدعنا ابو ثامر

مبدع كما عهدناك

لك جزيل التحية