طلب من العموم

السلام عليكم ورحمة الله وبركاته
سمعت عن قصيدة الشاعر عبدان بن عصمان العطافي

اللي يقول فيها

أظهرت من رجليـه أربـع مـن الشـوك = لأنــي بـعـود ولابحـولـي عــواده
الليـلـه الشـايـب مخـلـى ومـتـروك = لوهـو يخـاف الله ويـرجـى العـبـاده
تبالـهـا واحــد طـويـل ومسـلـوك =حـتـى يعادلـهـا ســوات الـوسـاده
إن جاء العشاء صارو في سمرات وضحوك = وإن جات صـلاة الصبـح جتهـم رقـاده
وليـا أنبهـوا قالـت دخيلـك ونرجـوك = نبغـى دجــاج ولانـبـي رز ســاده
فطورهم تطلي ومقلي وسمبوك = وأيضاً عليه من الطماطم زياده
وليـا تغـدوا قالـت الـسـوق مفـكـوك = أبـي خواتـم طـقـم وأبـغـى قــلاده
ويقـول أنـا يابنـت بالديـن مضـنـوك = مضنـوك فـي دينـي ولأأقـدر زيــاده
قالـت عسـى مايبعـث امـك ولاأبـوك = يـوم انـي أقابـلـك ويــش الفـيـاده
قدمـك خطبنـي نـاس شجعـان وبنـوك = عـز الله أنـي فـي نصيـبـي قــراده
قـام يتديـن ديـن مـديـون مضـنـوك = ويـقـول هــاذي قـسـمـة الله وأراده


ياليت احد يجيبها لنا كاملة

الله يعطيكم العافية

هههههههه

ماشاء الله عليك يابو ماجد حافضتها ولو إن فيها تكسير

وش خليت لنا ..؟

عموماً


سيوافيك أحد المقربين لهذا الشاعر بالقصيد ه كاملة

تحياتي

سنحاول اضافة الابيات الباقية

وتم نقلها للمنقول حسب قوانين المنتدى

ابو ماجد

بارك فيك وفي اختيارك لهذه الدرة للشاعر الكبير / عبدان بن عصمان العطافي