ديوان الهيل والزنجبيل (للشاعر عبدالله العطافي)

ياحياتي
[poem=font=",6,green,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/22.gif" border="none,4," type=2 line=0 align=center use=ex num="0,black""]
ياحياتي ياروح الروح يااغلى جسد=لك جمائل ماحد يقدر علـى ردهـا
لو عطيناك كل العمر واكثـر بعـد=ماجزعنـا ولا قلنـا هـذا حدهـا
اطلبي ياحياتي وأبشـري بالسعـد=قلتها واحتمـي قولـي وانـا قدهـا
والله اني لازود فوق جهـدي جهـد=لين ترضى ويرضى من بعد جدها
لويطول الزمن لايمكن انساك ابـد=كيف ابنسى وربي قال لـي بدهـا
مانستني زمـانِ فيـه كـد ونكـد=والتعب والسهر ما بيحـت سدهـا
ياحياتي ليا ماجيـت لـك فالوعـد=كـل دلـه تمـر بمجلسـي عدهـا
كيف ارد الجميل اللي مايحصى عدد=اهونه يـوم شالتنـي علـى يدهـا
وارضعتني لبنها يـوم انـا فالمهـد=امي اللي جمايلهـا ماحـد عدهـا
أوفت عهودها وانـا عليـه عهـد=لازم اوفيه يوم ان الزمـن هدهـا
أيه ياغاليـه يامـن ذخرتـي ولـد= لو طلبتي عيونـه عنـك ماردهـا
لا تقولي ذخرت ان كان ماني سنـد=ترفع الـرآس مداتـه ليـا مدهـا
يالله اللي رفـع سبـعٍ بليـا عمـد=الاراضي بسطها والسمـاء شدهـا
أطلب انك تجازيها ياواحـد آحـد=جنـةٍ مايعرفـون البشـر حدهـا[/poem]