قصــــيدة الامير نايف بن عبدالعزيز

هذه قصيدتان للأمير محمد السديري ورد الأمير نايف بن عبدالعزيز

(( قصيدة الأمير محمد الأحمــد السديري))

انتم حبـــاريكم تخافـق بالاقفـار
وحنا حبارينا السمك يالسنافي
و وبايمانكم شقر سريعات الاطيار
والكل منهن ماضي الفعل وافي
ذ ذكرتني يامير واصبحت محتار
وجاوبت خلج البل حم الشعافي
و وذكرت طيب ايامنا سر وجهار
يوم الردي في نومة العصر غافي
م مذ كور يا نايف ذرا الضيف ومجار
ذكــراك في قلب براه الولافـــي
قـــلب عن الشـــدات يامير صبار
ان صد عن طيب الثنا كل هافي ((وهذا رد الأمير نايف بن عبدالعزيز وزير الداخلية يحفظه الله))

يا خال روحتوا لنا ستة اسطار
رفاع المعاني كملتها القوافي
مثــــايل يختــارها كل محتار
مثل الرعاف بجيد ظبي الكشافي
حييت فيها والتحية لها كار
ما غرد القمري بروس الخوافي
ليتك خوي لي الى شبة النار
في مربخ من وقدة الرمث دافي
نبته جديد ما طلع فيه نوار
سقاه مامور من الوسم ضافي
ممطور أمس ولا مشى فيه دوار
فيه الحبـــاري مقبلات مقافي
اشيل فرخ واسهن وقع وطيار
وعلى يسارك اشقر الريش صافي
هذا عدو الخرب للريش نثار
وهذا الى طلع على الجو شافي
ما كدر الخاطر طويلات وقصار
هروج هزيلة من رجال ضعافي
من لابة يردون صعبات الاخطار
ما والفوا نوم الصفر والعوافي
نقضي لنا وقت وندفن لنا اسرار
الصبر زين وخير الأيام تافي
عاداتنـــا نقصر طويلات الاشبار
وعدونا نسقيه سم زعافي
الى عطل الواجب من الناس حبار
نارد ولو ان الموارد عيافي
نارد حياض وردها حامي حار
وبيماننا مصقلات رهافي
لعيون تلع سوقهن ما بعد بار
حديثهن لمجرح القلب شافي


أملـــــي أن تحـــــــوز مشـــــاركـــــاتــي على رضاكـــــــــــــــم
الــمــجـــردي عـــادل !!!!!!!!!

تسلم اخوي على القصيدة الرائعة

تسلم يمنااك

ياااااااااااا

ذيب ........