يا قصار الثياب ويا طوال اللحى ..... قصيدة راائعة

السلام عليكم

اليوم يا عيال عمي جايب لكم قصيدة للشاعر المبدع / ناصر القحطاني

وهي مدح في أهل الدين ( المطاوعة و الملتزمين )

و تأتي هذه القصيدة في ظل حملة التشويه التي يقودها العلمانيون - عليهم من الله ما يستحقون - على أهل الصلاح والتقى

وهي أكثر من رااااااااائعة من شاعر رااااااااائع

والآن أترككم مع القصيدة






اهل الأذكار تدعي والظلام انتحى

والدعاوي تهز مشيدات القصور

والخطاوي تعثر بين خوف وسحا

والفتن تشتعل.. وانتم سواة البدور

يا قصار الثياب ويا طوال اللحى

لا تفيض العيون ولا تضيق الصدور

دارت الأرض بالعالم ودار الرحا

وانتم الشامخين وما تبقى يدور

كل ما المح شموس وجيهكم في الضحى

احمد اللي بعيني زود النور نور

في الجباه السمار اللي ظهر ما انمحى

ابشروا به وهو يشفع بيوم النشور

السنتكم عطاها الله حديث فصحا

وافئدتكم من الإيمان تنضح سرور

قصر المسك يا حمالته واستحى

يوم جاء يعطي اعطيتموه طيب وطهور

يا تلاميذ عقد الصفوه اللي نحى

يا حبايب صلاة الفجر واهل السحور

يا رجال على يديكم صحى من صحى

سعد روح تغذت من بصيرة غيور

انتم لمعشر السالين خير نصحا

وانتم لنصرة الدين اصدق اللي يثور

ان دخل صفكم وجه كذب والتحى

رده اللي يرد الكيد وسط النحور

وان هرج زيد لعبيد بسوالف جحا

لا لحقكم شكوك ولا لحقنا نفور

واللي انزل تبارك والقلم والضحى

انكم هدينا عن محدثات الأمور

واصلوا يا بركتنا دون خوف وسحا

ردوا نفوسنا اللوامه من القصور



وفي الختام تقبلوا تحيات ولد عمكم / القويعي

قصيده في غاية الروووووووعه


يسلموووو

خيو ع القصيده

والله لايحرمنا من جديدك

مشكوووووووور اخوي القويعي على القصيدة الرااائعة .... وصح الله لسان الشاعر ...

لابد من الوقوف في وجه دعاة الضلال .. الذين يحاولون ان يمسحوا هوينتنا الاسلامية ...

لكن قال تعالى : يريدون ليطفئوا نور الله بأفواههم والله متم نوره ولو كره الكافرون "

ننتظر جديدك الرائع .... وتقبل مروري ....

قصيدة رائعة وجميلة بحق

وقد نشدها خالد عبدالرحمن

أشكرك يا القويعي على النقل

مع أطيب تحياتي

حـمـد

صح الله لسان الشاعر ...

صح لسااااااان الشاااااااعر ولسااااااان نااااااقلهااااااااا

صح لسان القحطاني
وتسلم يمناك يالقويعي
لاتحرمنا جديدك

صح لسانه الشاعر ناصر
هذا الشاعر دائماً
قصايده رائعه
ومتميزه
له قصيده رائعه جداً عن المرأه السعوديه
وحجابها

وتسلم يالقويعي
حتى في نقلك متميز
ما تجيب غير المفيد

واصل يالذيب

حياك اخوي الشامخ

الاروع من القصيدة مرورك

سعيد بمرورك ياخوي


مشرفنا الغالي سيف سليم

صدقت لا بد من وقفة حازمة ضد كل من يريد تغيير عادات مجتمعنا و تعاليم دينه

والشاعر سلك طريقا جديدا ومتميز لعل أن يجاريه بقية الشعرااااء

شكرا لمرورك يالقرم

وحياااااااااااااك

اخوي فراس

شكرا على المرور


اخوي عبد الرحمن

شكرا على المرور والشاركة