التعاسير

بسم الله الرحمن الرحيم
السلام عليكم ورحمة الله وبركاته
أطرح بين أيديكم هذه المتواضعه
وآمل من الله أن تحوز على رضاكم وإستحسانكم

[poem=font=",6,darkred,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/196.gif" border="outset,4,darkred" type=0 line=0 align=center use=ex num="0,black""]
يالله ياربي تحل التعاسير=يرتاح بالٍ بالحشى دوم شقيان
بالٍ تعسّف به هجوس وتفاكير=ماينثني ساقه على مر الأزمان
أخذت في بعض الطواري مشاوير=مير الله اللي حلها دون نسيان
ربي كريمٍ مايجي منه تقصير=أستغفر الله لو أباصير غلطان
ميزت من دون التعدي على الغير=وأظاهر أنه جات من دون حسبان
تدوش ليا كثرت عليك التثاوير=والمشكله من بندقي صرت نيشان
أنا حسبت أحساب ماله مخاسير=مير الدهر شقلب مواريد وأوزان
ياخاطري دور من أقوى التعابير=وأبدع بها في قاف مبني على آن
ياخاطري أرقى سما وأسبق الطير=ولا تمسي ألا من ورى كل الأوطان
في ديرتٍ ماقد لفوها مسايير=وأظاهر أنه ماسكن فيها الإنسان
في ليلةٍ قمرى ولابه معاصير=يادوب نسناسٍ تحسسه الامتان
في مربعٍ يشرح صدور المضارير=يستانس أبشوفه مولع وشفقان
وأرتاح من بعض العلوم المحاقير=اللي تعل الكبد في بعض الأحيان
وأسج في حالي ولابه مخاشير=عن زحمت العالم وعن كل شيطان
وأحل وأربط وأتحرى التدابير=وأهز بابٍ دونه الشك بنيان
وأطلق صراح اللي تغص الحناجير=خابر بلاها تستحي شوف الأعيان
محشومةٍ عن كل شبهه وتغيير=عزيزةٍ دايم ولو كان ما كان
دنيا علينا سايقه شرٍ وخير=يومٍ بها تكسب ويومين خسران
اللاش دايم لاش نذل التباصير=ياجعل راسه فدوت أقروم شجعان
عيبٍ علي امشي معا نافخ الكير=تلحقني الشرهه ولاني بكسبان
الكلمه الحلوه وضحكه مساتير=لوجيه تستاهل من الناس حقران
في وقتنا ما عاد تدري وش يصير=نذل الطبوع أصبح مع الناس سيان
أنا تحدتني همومٍ مزابير=وأزريت أحصل فازعٍ جمّل الشان
تكبر وتصغر عند ربي مقادير=وانا تحت رحمة كريمٍ ورحمان
[/poem]

محبكم / عابد البقيلي