هذا اللي راح يصير (باكر)

باكر أكيد يطيب جرحي وأبنساك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’ وأكيد أبنسى لحظة أني هويتك

باكر يطيب الجرح والقلب يسلاك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’ وأكيد أبنسى شغلة أني نسيتك

أنسى زمان أشتقت وصلك وذكراك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’ وأنسى زمانن فيه يامـــــا رجيتك

وأصير خالي منتظر يوم لقياك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’ لو جيت مقبل ببتعد ما أحتريتك

دامك نسيت اللي على روحه أغلاك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’ وقويت هجرانه وأنا ما هقيتك

جرحت قلب اللي يحبك ويهواك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’ لا ياخسارة قلبي اللي عطيتك

فكرت في روحك وغرتك دنياك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’ وحطمت قلبن كان بالحب بيتك

بتعب عشان أنسى وأضحي لفرقاك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’ بتعب عشان أرتاح بعدي بكيتك

باكر تجي صدفة مع الناس وألقاك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’ وأنشدك مين أنته تراني غويتك

ماهو على عيني غريبن محياك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’ كني قبل ذا اليوم مرة رأيتك

ما أنكرك أنا شفتك بمرة وحياك
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’ لكن ناسي وين..فيني لقيتك؟؟