ف كل وادي يهيم

في كل وادي يهيم
قصيدة للأستاذ مقبول مبارك العرابي 10-1-1436هـ
1- كم شاعر(ن)من غوى في كل وادي يهيم = والنعمة أضحت بعد ماتاه نقمة علاه
2- مايدري إن النعم تقفى بسين(ن)وجيم = والكل منشود عن زرعه ويحصد جناه
3- هذاه فالخير سخر ما عطاه الكريم = وهذاه فالشر سخر كل ما الله عطاه
4- جاهل ومغرور وأعمى وين وجه غشيم = دخانه بكل صوب ولا يشرف نباه
5- لْيا انتزى وانحشر ياعنك مايستشيم = تحت المحزم يلوك ولا يرده حياه
6- ويقول مالا يطول ويدعي بالعديم = ويطلًق ويحلف ولا خوف ربه حداه
7- وينبش قبور البشر وعظام باتت رميم = ذا ينتفخ به وذا بالزيف الأحمق رماه
8- وحنا وحنا سوات النار وسط الهشيم = وكم غرت طبول والا حر بذت خفاه
9- يامن حصانه مفلي فالفتن والرميم = من دون قيد وعنان العلم له ماوراه
10- ياكم حصان(ن)يكب بصاحبه فالجحيم = اصحا ترى الدرب هذا من دروب الغواه
11- عدل وبدل وناظر فالقمم واستقيم = وترى في الشكر للنعمة طريق النجاة
12- الله ياكم شاعر(ن)عايش بخير ونعيم = ماكان شعره وبال ولا عن الدرب تاه
13- همال غيثه ربيع وقيظ مسك(ن)وديم = والخير في كل صوب أثمر بعد ماذراه
14- ومن كل صوب إن طرى بالمسك فاح النسيم = وبمجلس أهل الغلا يْفوح الغلا من غلاه
15- وبقلوب كل النشامى من غلاته مقيم = ونال الفخر والقدر وأجر الكريم ورضاه
16- ما يفخر إلا بتقوى الله ولا له نديم = إلا القمم والطمن من عاره الله حماه