قصيدة للشاعر / صايل بن هادي آل صايل

بسم الله الرحمن الرحيم
السلا عليكم ورحمة الله وبركاته
بعد التحيه والسلام . . .

مناسبة القصيدة هي بأن الأستاذ / صايل بن هادي بن مبارك آل صايل الوهيبي المجذمي الزعبي.

كان تربطة صداقة حميمة جدا بمثابة الأخوة مع اشخاص

من ابناء قبيلة سبيع ومن ظمنهم الأستاذ/ خالد زبن السبيعي .

وذكر القصيدة عند قرب التخرج باخر سنة من الجامعة

(جامعة الأمام محمد بن سعود الإسلامية ) .

اتركم مع القصيده اتمنى تنال اعجابكم
.
.
.
.
.
.


البارحه ونيت لين الحشى ذاب
%%%% ونين من صكات بقعا تلويه

كني كما اللي سكرو دونه الباب
%%%% حكمه قصاص ولا تزوره أهاليه

ولا كما عودً ثوا عقب ما شاب
%%%% لا له عيال ولا له احدً يواليه

ولا صويبً طاح في يد طلاب
%%%% يطلبه دم وطاح مابين أياديه

ولا مريضً قد له سنين ما طاب
%%%% عجز الطبيب اللي يداوي يداويه

ولا اليتيم اللي جداه التنحاب
%%%% صغير سن ولا لقى من يربيه

ولاغريبً ساكن وسط الاجناب
%%%% حده زمانه جاير الوقت يكويه

ولا قريصً صاح من عظة الداب
%%%% فرضً خلا ما حوله احدً ينجيه

ولا كما ذيبً على راس مرقاب
%%%%يعوي تلج اضلوعه الجوع حاديه

ولا قمت أبرقد جت همومي كالسراب
%%%% وحسها باالصدر ناراً تصاليه

على فراشي طول ليلي تقلاب
%%%% عافت عيوني النوم منما تعانيه

وهاجوس فكري ساريً به ولعاب
%%%%مع ظلام الليل مبعد مساريه

ياخذ مع الدنيا مراويس لاغاب
%%%% يرجع على وكايد الهم يصليه

وصيح من ليلي على كل ماجاب
%%%% كني كما اللي صاحي العقل مافيه

من جور وقتً فرق احباب وحباب
%%%% يشيب منه الراس محدً يقاويه

قرب التخرج ياعريبين النساب
%%%%حان الوداع اللي من العام مابيه

معاد بقى الا كود توديع لاصحاب
%%%%اللي لهم قلبي تتله عراويه

أهل الوفى والطيب يوم الردي خاب
%%%% حازوعلى ودً شفى كبد راعيه

بلمرجله عدو على كل مرقاب
%%%% لا كل من عدى الطويله ترقيه

خاويتهم خمس سنين بلا حساب
%%%%عدت كما يومً على العمر تطويه

خوتهم احلى من حلا عذب العذاب
%%%% اللي لوراده دواء السقم شافيه

خاويتهم خمس سنينً كل قراب
%%%% خوه ومن قال المثل صادقً فيه

ربا اخن مهو من امك بالأنجاب
%%%% أخوالشدايد باالمواقف تلاقيه

وصلاة ربي عد ماهل صباب
%%%% على نبيً نور الله مساعيه



وسلامتكم . . . تقبلو مني آطيب التحايا

للـــــــــــرفـــــــــــــع

صايل شاعر جزل وقصاائده لها نكهه وطابع مميز
شكرا لك على نقل تلك الرائعه لنا

وصح لسان صايل الوهيبي



دمت بود

اخي ابن مفحل 0000والله والله والله الخوي الطيب يستاهل المدح بما تحوي نفسه من معاني ساميه وطيبه تلقاه وقت الشده وقت الرخا 00 مثل ما قيل يداوي العليل00000 اخوك ابو نواف البنوي

ارحب يا ضاري الزعبي

لاهنت علي المشاركه...

وصح بدنك...

أخيك: ابن مفحل

ارحب يا ابو نواف البنوي

لاهنت علي المشاركه...

وصح بدنك...

أخيك: ابن مفحل