شارع في جده من غير حفريات ... الحقوا ..

السلام عليكم ورحمة الله وبركاته

اخواني الاكارم

قبل اسبوع لفت نظري اني حصلت شارع في جده من غير أي حفريات

بصراحه بكيت لما شفت الشارع هذا

>>>>>>>>>>>>>>> شايف الويل من شوارعنا

جلست الف في الشارع لما خلص بنزين السياره

وكنت من جد فرحان اني حصلت شارع في جده من غير حفريات

لكن يا فرحه ما تمت بس خرجت من الشارع ودخلت الشارع الثاني واطب في ذيك الحفرة

وتخرب سيارتي لأني كنت سرحان افكر في الشارع اللي كنت فيه ووين الامانه عنه ما اخترقوا الشارع بمعداتهم ولا عملوا له اصلاحات على طريقتهم الجباره

..........................

اخواني سكان مدينة جده الحبيبه

انا اتوقع لو ان الاماكن تقدر تشتكي والله ممكن تكون جده اكثر شكاوي تقدمها

ما سلم ولا شارع إلا وطالته الامانه بجرفاتها الجباره وقواطع الاسفلت العنيفه التي لم ترحم لا اسفلت ولا خرسانه إلا ومزقتها اشلاء

وبعد الانتهاء من شغلهم تجد الطريق يتحول إلى مطب بقدرة قادر !!!

المواقف التي أمام العمارة اللي اسكن فيها كان الاسفلت جديد عملوا له صيانه (تجديد الاسفلت) وكنت اوقف بعيد عن العماره حتى لا اضايق عملهم ولما خلصوا صرت مبسوط من الاسفلت الجديد واقول يا رب تقويهم وخلهم يصلحوا كل الشوارع وننبسط
بس اسبوع واحد إلا وذلك الصباح وانا في عز نومي وما تسمع إلا قواطع الاسفلت شغاله

خرجت وانظر إلا والله بالفعل شغالين تقطيع في الاسفلت

وش السالفه

>>>>>>>>>>>>> ما دريت اني اعطيت الاسفلت عين

حسبي الله ونعم الوكيل

انتهوا من عملهم ورجعوا الطريق مطب وصرت اقف عن العماره وسيارتي على الجنب بسبب شغلهم المقرف

اخواني الافاضل

اعطوني رائكم في امانة مدينة جده وامانتهم في صيانة شوارع المدينه؟

اخوكم ابو يزن

يقولون سووا احصائيه للسكان وللحفر

طلع لكل مواطن سعودي حفره

اتوقع عشان يرقعون شوارع جده 10 سنوات

المشاركة الأصلية كتبت بواسطة معاذ القايدي

يقولون سووا احصائيه للسكان وللحفر

طلع لكل مواطن سعودي حفره

اتوقع عشان يرقعون شوارع جده 10 سنوات

اهلين اخوي معاذ

انت ما كملت الاحصايئة الله يعطيك العافيه

لكل مواطن سعودي حفريه ومطب

يعني لازم تنسى المطبات اللي يسلمك


شاكر ومقدر لمرورك يا غالي


اخوك ابو يزن