قصيدة عبدالرحمن الشمري

قصيدة عبد الرحمن الشمري التي حازت أعلى نسبة تصويت من الجمهور
في الموسم الثاني من شاعر المليون


من يم نجد٠٠وشرق مكه٠٠وطيبه
لين الديار اللي ٠٠جنوب القريات
جيت بخفوقي شوق ٠٠ماينحكي به
اكبر من حروف الشعر٠٠والكتابات
شوق(ن) ماهوشوق الحبيب لحبيبه
شوق (الطنايا للكرم والجمالات)
ولو قالوا ان الدار ماهي قريبه
بقول : يعني ماتهون المسافات
ماهم بربعي بااليالي الصعيبه
أجل وربي ماحسبت المشقات
(شمر) ليا صك الصليب ٠٠بصليبه
أهجد ياجن وأنس٠٠لاهل الطويلات
يرضخ لهم هاالطيب حشمه وهيبه
ويرفع لهم بالعز٠٠بيرق ورايات
ومن مرهم طرقي٠٠بياخذ ضريبه
فنجال(اشدا من خضاب الخوندات)
والموقده٠٠تشهد براس الرقيبه
ومن طيبهم ما ينزلون الطمانات
(والشمري) من طيب راسه وطيبه
به ميزة(ن) عدة حدود المروات
لاثارت الفزعات٠٠لاتنتخي به ٠٠!
لانه يثور من(الطنا دون فزعات)
الله خلقهم للمصيبه ٠٠ مصيبه
وللنار نار٠٠
وللمعالي ريادات
وللموت موت ٠٠وللهيبه لهيبه
وللطيب طيب٠٠وللمراجل سيادات
لكن : بهم حاجه٠٠ولاهي غريبه
يمكن يخون بها الشعر والعبارات
اليا بطشوا: خلوا المضارب عطيبه
واليا عطوا: ما مدوا الا الجزيلات
ما ارفع مكانتهم بشعر(ن) اجيبه
هم يرفعون حروف شعري مقامات
واخر ما اقول بالشعر وانتهي به
بحطها بقوسين واربع علامات !!!!
(الشمري ! عيبه ! وعيبه ! وعيبه !
اليا ارتكي للحمل شال الثقيلات

مشكور أخوي فهودي على القصيدة

عبدالرحمن الشمري


شاعر كبير وقصايدة رائعة وخاصة قصيدة (( شامية اتصلت غلطانه )) خخخ


واصل تألقك يالذيب


دمت بود

عبدالرحمن الشمري


من الشعراء الذي امتلك القلوب بـ فكره واسلوبه وادآئه


اختيآرك جميل ...