#1
|
|||
|
|||
واشيخنا اللي تاج روس الرياجيل ... يا تاج روس سليم قاصي وداني
قصيدة رثاء في الشيخ/حسين بن هندي السلمي شيخ قبائل بني نوال أسكنه الله فسيح جناته وإنا لله وانا اليه راجعون .. يا سامعي عندي من القول تفصيل . . . . والشعر يهل العرف ما قد عصاني يكفيكم الموجز ما يحتاج تـحـليل . . . . الامر واضح للعقول الذهاني واشيخنا اللي تاج روس الرياجيل . . . . يا تاج روس سليم قاصي وداني نبكيه دمع ودم بالحيل بالحيل . . . . وشلون ما نبكي حسين المعاني نبكي وغلقنا جميع المناديل . . . . والله ما ننساه طول الزماني يالله ياربي عليك التساهيل . . . . سهل له الفردوس عال الجناني عسى على قبره تهل الهماليل . . . . وينبت على قبره شذا وزعفراني خدم رجال سليم جيل بعد جيل . . . . جاب الاماره والقضاء والضماني وبلديه وكهرب بها نور الليل . . . . يتعب لكنه ما يعرف التواني وكل المطالب جات من دون تاجيل . . . . بجهود ابو راشد فصيح اللساني والناس عنده يطرحون المعاديل . . . . يعدل وكل الناس عنده خواني ولن جوله الضيفان دنا المعاميل . . . . ولا يذبح الا من خيار السماني ويعرفونه حرب ومطير وهذيل . . . . وعتيبه الهيلا وكل قحطاني يوفي الوزنه وما ينقص الكيل . . . . ويغلق الجابه في لحظة ثواني يعوضنا الله في الليال المقابيل . . . . براشد اللي يستحق المكاني مكان شيخاً موقعة نجمة سهيل . . . . يرقى سنود وما يحب الطماني راشد يمثل ربعنا خير تمثيل . . . . ويحفظ اسم حسين سر وبياني راشد سليل المجد رجال حلحيل . . . . مذخور ابن هندي عريب المجاني واشيخنا اللي تاج روس الرياجيل . . . . يا تاج روس سليم قاصي وداني الشاعر
صالح مخضور سلطان السلمي |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|