هياط + مهايط

أشوف تال الوقت بانت حراكات
ومهايطٍ وعلوم والله مثيره

يوم القيامه ضاهرتله علامات
ماباقيٍ منها يكود الكبيره

إسراف فالأنعام لأجل الوجاهات
كله عشان يقال شيخ العشيره

ماهو بلاقي غير ذمه وشرهات
المدح ماغيره لصقر الجزيره

وأقصر عتابي عن رجال المهمات
فالأوله ولا الأمور الاخيره

بين الفضول وبين كبر المقامات
مسافةٍ ماهي مسافه قصيره

وبين الثراء وبين الثرياء مسافات
وإدروب ماتصعب على أهل البصيره

وبحور سد بحور غزر ومطمات
واللي نجاء منها يقود المسره

سلام للي ينطحون الجهامات
اللي لهم جاهات في كل ديره

حلالة كبار العلوم الصعيبات
تسهل عليهم عقب كانت عسيره

مني لهم كل الشكر والتحيات
وتقدير ماعندي للأجواد غيره

هذي نصيحه سقتها ورد باقات
للي معه فالعقل حبة شعيره